საქართველოს სრულუფლებიანმა ელჩმა ბელგიაში, ნატალია საბანაძემ დღეს, 18 ივლისს ამბასადორიალზე განაცხადა, რომ მნიშვნელოვანია აღმოსავლეთ პარტნიორობამ შეინარჩუნოს რელევანტურობა მასში შემევალ ექვსივე ქვეყნისთვის, გაძლიერდეს და მეტი დინამიკა მიეცეს ამ ინიციატივას:

"აღმოსავლეთ პარტნიორობის სამიტისთვის მზადება დაწყებულია. მიმდინარეობს მუშაობა ევროკავშირის წევრ სახელმწიფოებთან და ევროპარლამენტთან".

ნატალია საბანაძის თქმით, ახლა, ზაფხულში მიმდინარეობს მზადება, რათა ევროპარლამენტმა მიიღოს რეზოლუცია, შემდეგი ნაბიჯები კი იქნება დეკლარაციის ტექსტზე მუშაობა:

"ჩვენ ვუყურებთ ამ სამიტს, როგორც აღმოსავლეთ პარტნიორობისთვის შესაფასებელ ეტაპობრივ სამიტს, იმიტომ, რომ უკვე საკმაოდ დიდი ხანი გავიდა მას მერე, რაც ეს ინიციატია გავიდა".

აღმოსავლეთ პარტნიორობის (აზერბაიჯანი, ბელარუსი, მოლდოვა, საქართველო, სომხეთი, უკრაინა) სამიტი ორ წელიწადში ერთხელ იმართება, რომლის ძირითად მიზანს პოლიტიკური გადაწყვეტილებების მიღება წარმოადგენს. მომდევნო სამიტი 24 ნოემბერს ბრიუსელში გაიმართება. 2017 წლის სამიტზე შეხვედრის მონაწილეები პარტნიორ ქვეყნებსა და ევროკავშირის წევრებს შორის თანამშრომლობის გაძლიერების გზებზე იმსჯელებენ.