მოკლედ: სასამართლომ განსაკუთრებით დიდი ოდენობით ნარკოტიკული საშუალების უკანონო შეძენა-შენახვაში, საქართველოში უკანონოდ შემოტანასა და ტრანზიტით საერთაშორისო გადაზიდვაში ბრალდებული პირი დამნაშავედ ცნო.

  • დანაშაულის მტკიცებულებები პროკურატურამ წარადგინა.

დეტალები: პროკურატურის მიხედვით, ირანის მოქალაქემ, სატვირთო ავტომობილის მისაბმელის კარებში სპეციალურად მოწყობილი სამალავით, 2023 წელს საქართველოში უკანონოდ შემოიტანა განსაკუთრებით დიდი ოდენობით (77,175 კგ) ჰეროინის შემცველი ნივთიერება, რომელიც ბულგარეთში უნდა გადაეტანა.

  • ამავდროულად, ბრალდებული დაკავებისას ნარკოტიკულ საშუალება ბუპრენორფინის შემცველ აბებს პირადად ინახავდა.
  • ბრალდებულს 18 წლით თავისუფლების აღკვეთა მიესაჯა.
  • დანაშაულის ჩასადენად გამოყენებული სატვირთო ავტომანქანა კი სახელმწიფოს სასარგებლოდ ჩამოერთვა.