შეუძლებელი იყო ამ მოვლენის თავიდან აცილება — გარემოს ეროვნული სააგენტოს უფროსი მეწყერზე
![მეწყერი, სტიქია, ნერგეეთი](http://ross.on.ge/2024/02/08/garemo_65c4703f506f8.jpg)
ფოტო: შინაგან საქმეთა სამინისტრო
0
წაკითხვა
0
კომენტარი
0
გაზიარება
მოკლედ: გარემოს ეროვნული სააგენტოს უფროსმა ვასილ გედევანიშვილმა თქვა, რომ ბაღდათის მუნიციპალიტეტში, სოფელ ნერგეეთში მეწყერი მყისიერად განვითარდა და ამ მოვლენის თავიდან აცილება შეუძლებელი იყო.
- მის შეფასებას სააგენტოს პრესსამსახური ავრცელებს.
დეტალები: გედევანიშვილის თქმით, გეოლოგები მომხდარს დეტალურად სწავლობენ, აანალიზებენ პოტენციურ საფრთხეებსაც.
- უახლოეს მომავალში გარემოს ეროვნული სააგენტო დეტალურ დასკვნას გაავრცელებს.
- უწყების ხელმძღვანელი ამბობს, რომ კლიმატის ცვლილებებთან ერთად, სტიქიური მოვლენები, ისევე როგორც მთელ მსოფლიოში, საქართველოშიც გახშირდა.
- "ჩვენ ყოველწლიურად ვაკეთებთ საფრთხეების შეფასებას მთელი ქვეყნის მასშტაბით. აღვნიშნავთ პოტენციურ საფრთხეებს გეოლოგიის, რომელიც, სამწუხაროდ, ძალიან ბევრია საქართველოში და რამდენიმე ათეულ ათასს აღემატება", — თქვა მან.
- რაც შეეხება ნერგეეთის შემთხვევას, გედევანიშვილის განმარტებით, უშუალოდ დამეწყრილი ფერდობი შეფასებული არ ყოფილა.
- "საფრთხეები შეფასებული გვაქვს მთლიანი სოფლის მასშტაბით. მომზადებულ ინფორმაციაში თქვენ ნახავთ სხვა სოფლებსაც; ბუნებრივია, რისკები არსებობს და გარემოს ეროვნული სააგენტო უცხოელ ექსპერტთან ერთად აქტიურად მუშაობს, რომ უფრო მეტი დეტალიზაცია მოახდინოს", — თქვა მან.
- გედევანიშვილის განმარტებით, სოფლის დაცლის რეკომენდაცია არ ყოფილა გაცემული, რადგან ასეთი ტიპის რეკომენდაციას "სჭირდება დამატებითი კვლევები".
ბოლო ხაზი: ნერგეეთში მეწყერი გუშინ, 7 თებერვალს ჩამოწვა. სტიქიამ 8 ადამიანი იმსხვერპლა, ერთს ამ დრომდე ეძებენ.
-
გადახედვა
-
გადახედვა
-
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
-
-
გადახედვა
-
-
გადახედვა
-
კომენტარები