მოკლედ: დღეს, 6 თებერვალს, თოვლის, ქარბუქისა და სხვა რთული მეტეოროლოგიური პირობების გამო, რამდენიმე სატრანსპორტო მონაკვეთზე შეზღუდვები დაწესდა.

დეტალები: საავტომობილო გზების დეპარტამენტის მიხედვით, ყველა სახის ავტოტრანსპორტის მოძრაობა აკრძალულია,

  • ქუთაისი(ჭომა)-ალპანა-მამისონის უღელტეხილზე, კმ21-კმ39 მონაკვეთზე, კლდოვანი მასის ჩამოშლის გამო.
  • ახალციხე-ნინოწმინდის საავტომობილო გზის კმ90-კმ112 მონაკვეთზე.
  • საჩხერე(სარეკი)-უზუნთა-შქმერი-ზუდალის საავტომობილო გზის კმ30-კმ35 მონაკვეთზე.
  • ახალქალაქი-კარწახის საავტომობილო გზაზე.

ასევე, შეზღუდვები დაწესდა,

  • ვაზიანი-გომბორი-თელავის საავტომობილო გზის კმ36-კმ60 მონაკვეთზე — მოძრაობა დასაშვებია მხოლოდ მაღალი გამავლობის (ორი და მეტი წამყვანი ხიდის მქონე) ავტოტრანსპორტისათვის.
  • ახალქალაქი-კარწახის საავტომობილო გზაზე აიკრძალა მისაბმელიანი, ნახევრადმისაბმელიანი ავტოტრანსპორტის და M3 კატეგორიის 22-ზე მეტი დასაჯდომი ადგილის (მძღოლის ადგილის გარდა) მქონე ავტოსატრანსპორტო საშუალებების გადაადგილება.
  • თბილისი–სენაკი–ლესელიძის საავტომობილო გზის კმ27-კმ158 მონაკვეთზე, აიკრძალა მისაბმელიანი და ნახევრადმისაბმელიანი ავტოტრანსპორტის მოძრაობა, დანარჩენი სახის ავტოტრანსპორტის გადაადგილება კი თავისუფალია.

მსგავსი: თოვლი, შტორმი, ძლიერი ქარი — ხვალიდან ამინდი გაუარესდება