რა ხდება: ადგილობრივი მედიის ცნობით, პოლონეთში დააკავეს საქართველოს ორი მოქალაქე 21 წლის ბიჭის მკვლელობის ბრალდებით. მკვლელობა ქალაქ ვროცლავში მოხდა.

დეტალები: პოლონური მედია წერს, რომ შემთხვევა ქალაქ ვროცლავის ცენტრალურ უბანში მოხდა.

  • გარდაცვლილია 21 წლის მამაკაცი. ის ზლოტორიას ოლქის მკვიდრი იყო.
  • შემთხვევა 27 იანვარს მოხდა, დაახლოებით, დილის ხუთ საათისთვის.
  • მკვლელობას წინ უძღოდა შელაპარაკება და ჩხუბი სამ პირს შორის.
  • ადგილობრივი პრესის მიხედვით, მკვლელობაში ბრალდებული ორი პირის ამოცნობა სათვალთვალო კამერებისა და მოწმეთა ჩვენების მიხედვით მოხდა.