რა ხდება: რუსეთის მიერ კონტროლირებად ქალაქ დონეცკში, დაბომბვის შედეგად, სულ მცირე 27 ადამიანი დაიღუპა, ამის შესახებ რეგიონის მოსკოვის მიერ დანიშნულმა ხელმძღვანელმა განაცხადა.

დეტალები: დენის პუშილინის თქმით, ხალხმრავალ ბაზარზე თავდასხმა "შემზარავია", ის ამბობს, რომ დაღუპულების რაოდენობა, შესაძლოა, გაიზარდოს.

  • უკრაინის არმიის ჯგუფმა, რომელიც ამ რეგიონში მოქმედებს, გააცხადა, რომ თავდასხმა მათ არ განუხორციელებიათ, პუშლინი კი უკრაინას ადანაშაულებს.
  • რუსეთის საგარეო საქმეთა სამინისტრომ მომხდარს უწოდა უკრაინული ძალების მიერ განხორციელებული "ბარბაროსული ტერორისტული აქტი რუსეთის მშვიდობიანი ხალხის წინააღმდეგ".
  • დონეცკი და აღმოსავლეთ უკრაინის ტერიტორიები რუსეთის მიერ მხარდაჭერილმა ძალებმა, პირველად, 2014 წელს დაიკავეს, მას შემდეგ ეს ტერიტორია ნაწილობრივ კონტროლდება მოსკოვის მიერ.
  • ქალაქი ფრონტის ხაზიდან დაახლოებით 20 კილომეტრში მდებარეობს. დონეცკის მახლობლად მდებარე რაიონებში, მარიინკასა და ავდიივკას ჩათვლით, ბოლო დროს ყველაზე სასტიკი ბრძოლები იყო.

რა ვითარებაა ფრონტის ხაზზე: თითქმის ორი წელი გავიდა მას შემდეგ, რაც რუსეთმა დაიწყო სრულმასშტაბიანი შეჭრა უკრაინაში, თუმცა მან, ბოლო თვეებში, მცირე პროგრესი განიცადა.

  • შაბათს რუსეთმა განაცხადა, რომ დაიპყრო სოფელი კროხმალნე, ხარკოვის რეგიონში.
  • უკრაინის სამხედრო სპიკერმა დაადასტურა მათი ძალების გაყვანა ტერიტორიიდან, მაგრამ თქვა, რომ ამ ტერიტორიას მცირე სამხედრო მნიშვნელობა აქვს.
  • რამდენიმე დღის წინ მოსკოვმა ასევე განაცხადა, რომ აიღო კონტროლი დონეცკში მდებარე დასახლება ვესელეზე. კიევი ინფორმაციას არ ადასტურებს.