საქართველოს მთავრობის თანამშრომლობა გაზპრომთან, ინვესტიციები ენერგეტიკის სფეროში, ჰიდრო რესუსრების მნიშვნელობა, საერთაშორისო ენერგეტიკული პროექტები - ეს ის საკითხებია, რომლებზეც დღეს, 9 ივნისს, თბილისში გამართულ ენერგოუსაფრთხოების ფორუმზე მსჯელობენ. ღონისძიება პრემიერმინისტრმა, გიორგი კვირიკაშვილმა და ვიცეპრემიერმა, კახა კალაძემ გახსნეს.

პრემიერმინისტრმა აღნიშნა, რომ საქართველოს ენერგეტიკისთვის მნიშვნელოვანია სამხრეთ კავკასიური პოლიტიკური დერეფნის განვითარება და იმ პირობებში, როდესაც რუსეთი უკრაინის ენერგომარშრუტის დაკნინებას, იყენებს ენერგეტიკული გავლენის მექანიზმებს და აშენებს ახალ მილსადენებს, ჩვენს რეგიონში ახალი პროექტების განხორციელება მეტ სტაბილურობას მოუტანს სამხრეთ კავკასიასა და ევროპის ენერგომომარაგებას:

"ჩვენი რეგიონი არაერთი გამოწვევის წინაშე დგას. ენერგეტიკას ბევრი ქვეყნა პოლიტიკურ იარაღად იყენებს. ამის გათვალისწინებით, მნიშვნელოვანია დივერსიფიცირება, შიდა რესურსების ათვისება, განსაკუთრებით განახლებადი რესურსებით. საერთაშორისო კვლევებით საქართველოში ჰიდრორესურსების მხოლოდ 25-30%-ია ათვისებული. გრძელი გზა გვაქვს გასავლელი, თუმცა ენერგეტიკა საქართველოს ეკონომიკის მნიშვნელოვან კომპონენტად ყალიბდება".

კვირიკაშვილმა ასევე განმარტა, რომ შემოდგომაზე საქართველო ევროპის ენერგო გაერთიანებას შეუერთდება.

კონფერენციას ექსპერტები, პოლიტიკოსები და დიპლომატიური კორპუსის წარმომადგენლები ესწრებიან.