მოკლედ: დღეს, 12 იანვარს განათლების დამცველთა ასოციაციის, იგივე, განათლების ომბუდსმენის პრეზენტაცია გაიმართა. ორგანიზაციის ხელმძღვანელი დავით ფერაძეა, რომელიც დეკემბერში, მაია ეკალაძესთან ერთად, განათლების სამინისტროსთან, დირექტორთა შესარჩევი კონკურსის შედეგებს აპროტესტებდა.

დეტალები: პრეზენტაციისას ისაუბრეს იმ პრობლემების შესახებ, რაც განათლების სისტემაში წლებია არსებობს — სკოლების პოლიტიზება, ნეპოტიზმი, შესარჩევი კონკურსების არასამართლიანად ჩატარება და ა.შ.

  • "ჩვენ გვსურს სკოლების გაჯანსაღება და ვფიქრობთ, შეგვიძლია ეს", — აღნიშნა მაია ეკალაძემ.

რატომ დაფუძნდა ორგანიზაცია: განათლების ომბუდსმენის მიზანი სკოლებში არსებული პრობლემებისა და გამოწვევების დღის წესრიგში დაყენება და მათი გადაჭრის გზებზე მუშაობაა.

  • პრეზენტაციისას აღინიშნა, რომ ასოციაციის წევრები კვირის განმავლობაში მასწავლებლებისგან მიიღებენ შეტყობინებებს იმ პრობლემების თაობაზე, რაც სკოლებში არსებობს.
  • ასოციაციის წევრები კი, ოთხშაბათსა და შაბათს, განათლების სამინისტროსთან ამ საკითხებს ხმამაღლა გააჟღერებენ და მოუწოდებენ გადაწყვეტილების მიმღებ პირებს, იზრუნონ ამ პრობლემების მოგვარებაზე.
  • ორგანიზაციის წევრობა შეუძლიათ მასწავლებლებს, მოსწავლეებს, ყველას, ვინც განათლებასთან დაკავშირებული საკითხებით დაინტერესებულია.

მაია ეკალაძე და დავით ფერაძე

ფოტო: On.ge

ამავე თემაზე: "დირექტორებისგან არალეგალური საარჩევნო შტაბის შექმნა სურთ" — პროტესტი სამინისტროსთან