რა ხდება: გიორგი ნაზღაიძემ, რუსთავი 2-ის რეალური შოუს წამყვანმა, ფეისბუქზე დაწერა, რომ გასულ, 5 იანვრის საღამოს ორბელიანის მოედნის ავტოსადგომზე 30 ადამიანი დაესხა თავს. "ასეთ საფრთხეში არასდროს მიგვრძვნია თავი", — ამბობს ის.

  • ტელეწამყვანის თქმით, მეგობრებთან ერთად შეძლო გაქცევა, თუმცა დაედევნენ.

გიორგი ნაზღაიძე: "გავიქეცით, ისინი მოგვსდევდნენ და ქუჩის სკამებს გვესროდნენ. ხალხს ვთხოვდით დახმარებას და არავინ არ დაგვეხმარა, მხოლოდ ერთმა გოგონამ გავვიჩერა ავტომობილი და მას დაუზიანეს მანქანა, დაუჭრეს საბურავები."

  • ის დროულად მოითხოვს გამოძიებას და აცხადებს, რომ მსგავსი შემთხვევებისგან არავინ არის დაცული.

რას ამბობს შსს: პრესსამსახურში მედიას განუცხადეს, რომ გამოძიება სისხლის სამართლის კოდექსის 151-ე მუხლით დაიწყო, რაც მუქარას გულისხმობს.