რა მოხდა: 5 იანვარს, ინდონეზიაში, დასავლეთ ჯავის პროვინციაში, ორი მატარებლის ერთმანეთთან შეჯახების შედეგად, 4 ადამიანი დაიღუპა, 42 კი დაშავდა.

  • ოთხივე გარდაცვლილი ეკიპაჟის შემადგენლობიდან იყო.
  • ინფორმაციას Reuters ავრცელებს.

დეტალები: დასავლეთ ჯავის პროვინციის პოლიციამ განაცხადა, რომ მატარებლებში, ჯამში, 478 მგზავრი იმყოფებოდა.

  • შეჯახების შედეგად დაშავებულები ქალაქ ბანდუნგის მახლობლად მდებარე საავადმყოფოში გადაიყვანეს.
  • ავარიის მიზეზი ჯერჯერობით უცნობია, პროვინციის მთავრობასა და მატარებლის ოპერატორ კომპანიაში ამბობენ, რომ ისინი გამოძიებას ტრანსპორტის უსაფრთხოების სამსახურთან ერთად ჩაატარებენ.