რა ხდება: ბოლო ორ კვირაში ლაბორატორიულად დადასტურებული გრიპის შემთხვევების რაოდენობა გაორმაგებულია.

  • ამის შესახებ იაშვილის საავადმყოფოს სამედიცინო დირექტორმა, ივანე ჩხაიძემ განაცხადა.
  • მისი თქმით, გრიპის ვირუსის სტატისტიკა აღმავალ მრუდზეა.

რა შტამები ცირკულირებს და რა სიმპტომები აქვს: ლაბორატორიულად, უმეტესად, დასტურდება ორი შტამი — H1N1 და H1N3.

თუმცა, ქვეყანაში სხვა ვირუსებიც ცირკულირებს — ეს არის რინოვირუსი, რესპირაციული ვირუსი.

ექიმის თქმით, კორონავირუსი ნაკლებად აქტიურია და "წინა კვირების სტატისტიკასაც თუ გადავხედავთ, მაჩვენებელი მხოლოდ 2,5%-ის ფარგლებში მერყეობდა".

ჩხაიძის განმარტებით, ამჟამად გავრცელებულ ვირუსს ახასიათებს

  • მაღალი ტემპერატურა (38 და მეტი)
  • თავის, სახსრების, ყელის და კუნთების ტკივილი.

ბავშვებში კი, ამ ყველაფერს ემატება მომატებული ძილიანობა, საკვებზე უარის თქმა, ჭირვეულობა.

გაფრთხილება: ვირუსს განსაკუთრებით უნდა ერიდონ 5 წლამდე ბავშვები, ორსული ქალები და 65 წელს გადაცილებული ქრონიკული დაავადების მქონე პირები.

იაშვილის კლინიკის ხელმძღვანელის თქმით, მცირე ასაკის ბავშვებში გრიპი ექიმმა უნდა მართოს.

  • ივანე ჩხაიძის რეკომენდაციით, როცა სიცხე 38 გრადუსი და მეტია, პაციენტმა უნდა მიიღოს სიცხის დამწევი საშუალება.
  • ასევე, ვირუსის დროს აუცილებელია დიდი რაოდენობით სითხის სმა.
  • "გრიპი გადამდებია და ბავშვია თუ მოზრდილი, სხვისთვის საშიშია. თუ ეს ნიშნები გაქვთ, დარჩით სახლში", — ამბობს ჩხაიძე.

მსგავსი თემა: რა უნდა ვიცოდეთ გრიპის ვირუსის ვაქცინაციის შესახებ