10-14 ივლისს, გაეროს სურსათისა და სოფლის მეურნეობის ორგანიზაციამ (FAO) სურსათის ეროვნულ სააგენტოსთან ერთად, კახეთის რეგიონში ცხოველთა რეგისტრაციის ეროვნული სისტემის (NAITS) შესახებ საინფორმაციო შეხვედრები გამართა.

შეხვედრებს დაესწრნენ სასაკლაოების მფლობელები, ვეტერინარები, ცოცხალი საქონლის შემგროვებლები და მსხვილი ფერმერები. მოწვეულ სტუმრებს მიაწოდეს ინფორმაციას იმ საკანონმდებლო რეგულაციის შესახებ, რომელიც 2018 წლის პირველი იანვრიდან შევა.

ამავე ღონისძიების ფარგლებში, კახეთის რეგიონში მდებარე ყველა სასაკლაოს სახელმძღვანელო წესები მიაწოდეს, თუ რა შემთხვევებში შეიზღუდება ცხოველთა დაკვლა. რეგულაციის მიხედვით, სასაკლაოები აღარ მოემსახურებიან იმ ფერმებს, რომელთა ცხოველებიც შესაბამისი საყურე ნიშნებით არ იქნებიან იდენტიფიცირებულნი.