მოკლედ: ღაზაში, ჰამასის ტყვეობაში გარდაიცვალა ისრაელისა და ამერიკის მოქალაქეობის მქონე კაცი, რომელიც დაჯგუფებამ ისრაელიდან 7 ოქტომბერს გაიტაცა.

ინფორმაცია "დაკარგული ადამიანების ოჯახების ფორუმმა" გაავრცელა.

  • მათივე ცნობით, ცხედარი ჯერ კიდევ ღაზაშია.

დეტალები: მუსიკოსი გადი ჰაგაი 73 წლის იყო.

  • 7 ოქტომბერს, გატაცემაბდე, ცოლთან ერთად სეირნობდა, როდესაც ჰამასმა ესროლა და მძიმედ დაჭრა.
  • მისი ცოლი ჰამასს ამ დრომდე მძევლად ჰყავს.

რა ელით ისრაელელ ტყვეებს ღაზაში: ჰამასი ამბობს, რომ ვიდრე ისრაელი სრულად არ შეწყვეტს საბრძოლო მოქმედებებს, არცერთ ტყვეს აღარ გაათავისუფლებენ.

  • დროებითი ზავის დროს, ჰამასმა გაათავისუფლა 100-ზე მეტი ტყვე, დაახლოებით 120 ადამიანი კვლავ მძევლად რჩება.
  • თუმცა, ხელახალ ზავზე მოლაპარაკებები წარუმატებლად დასრულდა.
  • ისრაელი ამბობს, რომ ღაზაში ჰამასის 2 ათასზე მეტი მებრძოლი მოკლა.

რა მდგომარეობაა ახლა ღაზაში: ომს 20 ათასზე მეტი პალესტინელი ემსხვერპლა.

  • გაეროს ინფორმაციით, დაახლოებით 500 ათასი ადამიანი კატასტროფულ პირობებში იმყოფება.
  • მოსახლეობას საკვების მწვავე დეფიციტი აქვს.