რა ხდება: ქართული ოცნება 30 დეკემბერს ყრილობას გამართავს.

პარტიის თავმჯდომარის, ირაკლი კობახიძის თქმით, ყრილობაზე საერთო პოლიტიკურ და 2024 წლის საპარლამენტო არჩევნებისთვის მომზადებასთან დაკავშირებულ საკითხებს განიხილავენ.

დეტალები: ყრილობას დასამტკიცებლად წარედგინება პოლიტიკური საბჭოს შემადგენლობა, რომელიც 20-დან 15-მდე შემცირდა.

საბჭოს შემადგენლობაში იქნებიან:

  • ირაკლი ღარიბაშვილი
  • კახა კალაძე
  • შალვა პაპუაშვილი
  • მამუკა მდინარაძე
  • დიმიტრი სამხარაძე
  • თეა წულუკიანი
  • ვახტანგ გომელაური
  • თორნიკე რიჟვაძე
  • გიორგი ვოლსკი
  • არჩილ თალაკვაძე
  • ირაკლი ჩიქოვანი
  • ანრი ოხანაშვილი
  • ნიკოლოზ სამხარაძე
  • მაკა ბოჭორიშვილი
  • მარიამ ქვრივიშვილი.

კობახიძის განმარტებით, პარტიის წესდების თანახმად, პოლიტიკური საბჭოს შემადგენლობაში თანამდებობრივად შედის პარტიის თავმჯდომარე.

ვინ აღარ იქნება პოლიტსაბჭოში: კახა კუჭავა და ეკა ტიკარაძე.

კობახიძის თქმით, ისინი, ბოლო პერიოდის განმავლობაში, პარტიულ საქმიანობაში ჩართული აღარ იყვნენ.

"გვქონდა მათთან საუბარი, ისინი აღარ არიან წარმოდგენილნი პოლიტსაბჭოს შემადგენლობაში, შესაბამისად. დანარჩენი შემადგენლობა არის უცვლელი, თავის დროზე დამტკიცდა პოლიტსაბჭო 21 წევრის შემადგენლობით. ახლა ვამცირებთ პოლიტსაბჭოს შემადგენლობას, 15+1 ასეთი იქნება შემადგენლობა", — თქვა კობახიძემ.