გავრცელებული ინფორმაციის თანახმად, ეგრეთ წოდებული სწრაფი მოდის გიგანტი კომპანია Shein აქციებით ვაჭრობას იწყებს. მედიის ცნობით, კომპანიამ აშშ-ში IPO-ზე განაცხადი უკვე შეიტანა და ვაჭრობას, სავარაუდოდ, მომავალ წელს დაიწყებს.

IPO (Initial Public offering) კომპანიის მხრიდან ინვესტორებისთვის ფასიანი ქაღალდების პირველადი საჯარო შეთავაზებაა. ეს მაშინ ხდება, როდესაც კერძო ფირმა საჯარო ხდება და საკუთარი აქციები გასაყიდად გამოაქვს.

Shein ჩინეთში დაფუძნებული ტანსაცმლის ონლაინ სავაჭრო პლატფორმაა, რომელიც ბოლო ინფორმაციით 66 მილიარდ დოლარად არის შეფასებული.

კომპანიამ ცოტა ხნის წინ Forever 21-თან ერთად ტანსაცმლის ერთობლივი ხაზის დასაწყებად პარტნიორული ურთიერთობა დაამყარა. გარდა ამისა, მან Sparc Group-ში მნიშვნელოვანი წილიც შეიძინა.

როგორც ცნობილია, კომპანიები ფასიანი ქაღალდების ბირჟის კომისიაში IPO-ს შესახებ განცხადებას ხშირად კონფიდენციალურად ავსებენ. ანალიტიკოსები ამბობენ, რომ მსგავსად სხვა კომპანიებსა, სავარაუდოდ, Shen-საც მოუწევს დახვეწოს საკუთარი დოკუმენტაცია და უპასუხოს SEC-ის დამატებით კითხვებს უახლოესი თვეების განმავლობაში.

მიმდინარე წელს აშშ-ის IPO-ებმა გამოიმუშავეს დაახლოებით 23 მილიარდი დოლარი, რაც გასული წლის იმავე პერიოდის მაჩვენებელს 2 მილიარდით აჭარბებს. თუმცა, უნდა აღინიშნოს, რომ 2023 წლის მონაცემი არაფერია 2021 წლის რეკორდულ მაჩვენებელთან, როდესაც პიკში მყოფმა IPO-ს ბაზარმა 300 მილიარდს მიაღწია.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

აქვე გეტყვით იმასაც, რომ მობილბანკში 31 დეკემბრამდე აქციაა — საინვესტიციო ანგარიშის გახსნა და ვაჭრობა შესაძლებელია საკომისიოს გარეშე, უფასოდ.

ეს არ არის ფინანსური რჩევა. ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.