ცენტრალური საარჩევნო კომისიის ინფორმაციით, 8 ივნისის მდგომარეობით, 2016 წლის 8 ოქტომბრის საპარლამენტო არჩევნებში მონაწილეობის სურვილი 28 პოლიტიკურმა პარტიამ გამოთქვა, მათგან რეგისტრაცია უკვე გაიარა ხუთმა პარტიამ.

მას შემდეგ, რაც პრეზიდენტმა დღეს გამოაქვეყნა განკარგულება არჩევნების თარიღის დანიშვნასთან დაკავშირებით, საარჩევნო კამპანიაც ოფიციალურად დაიწყო.

ცესკო-ს მონაცემებით, საქართველოში 3 473 316 ამომრჩეველია რეგისტრირებული, რომლებიც ხმას 3 634 საარჩევნო უბანზე მისცემენ.

არჩევნებზე რეგისტრირებული პარტიები 8 ივნისის მდგომარეობით

  • სახალხო ხელისუფლება - თავმჯდომარე თავმჯდომარე ზურაბ კობიაშვილი;
  • დავით თევზაძე - საქართველოს მშვიდობისათვის - თავმჯდომარე დავით თევზაძე;
  • ზვიადის გზა - უფლის სახელით - თავმჯდომარე მიხეილ (გელა) სალუაშვილი;
  • საქართველო - თავმჯდომარე გიორგი ლილუაშვილი;
  • გაერთიანებული დემოკრატიული მოძრაობა - ნინო ბურჯანაძე;

პარტიები, რომლებმაც ცესკო-ში რეგისტრაციაზე განაცხადი შეიტანეს

  • საქართველოს კომუნისტური პარტია - სტალინელები - გენერალური მდივანი ივანე წიკლაური;
  • პარტია ჩვენი სამშობლო - თავმჯდომარე ზვიად ჩიტაშვილი;
  • მშრომელთა სოციალისტური პარტია - თავმჯდომარე ჯაფოშვილი თამაზ;
  • სახალხო პარტია - თავმჯდომარე ივანე (მამუკა) გიორგაძე;
  • უპირველეს ყოვლისა გადავარჩინოთ საქართველო და ქართველები - თავმჯდომარე
    როინ ლიპარტელიანი;
  • ევროპელი დემოკრატები - თავმჯდომარე პაატა დავითაია;
  • საქართველოს კონსერვატიული (მონარქისტული) პარტია - თავმჯდომარის მ/შ ირაკლი კობრავა;
  • საქართველოს ეროვნული ერთიანობის პარტია - ხელმძღვანელი გიორგი ჭინჭარაული;
  • კვარაცხელია - სოციალისტები - თავმჯდომარე ვალერი კვარაცხელია;
  • საქართველოს ერთიანი კომუნისტური პარტია - თავმჯდომარე თემურ ფიფია;
  • დავით თარხან-მოურავი, ირმა ინაშვილი - საქართველოს პატრიოტთა ალიანსი - ხელმძღვანელი დავით თარხან-მოურავი;
  • სერგო ჯავახიძე სამართლიანი საქართველოსთვის - თავმჯდომარე სერგო ჯავახიძე;
  • შალვა ნათელაშვილი - საქართველოს ლეიბორისტული პარტია - თავმჯდომარე შალვა ნათელაშვილი;
  • მერაბ კოსტავას საზოგადოება - თავმჯდომარე ვაჟა ადამია;
  • ქართული იდეა - ხელმძღვანელი ლევან ჩაჩუა;
  • ძალოვანი ვეტერანების, პატრიოტთა და პენსიონერთა პოლიტიკური მოძრაობა მამულიშვილი - თავმჯდომარე არსენ რაზმაძე;
  • ქალთა პარტია- ხელმძღვანელი ხათუნა მაჭავარიანი;
  • კახა ძაგანია, სოსო შატბერაშვილი, პაატა ჯიბლაძე,
    არჩილ ბენიძე - მემარცხენე ალიანსი - ხელმძღვანელი პირები: კახაბერ ძაგანია და იოსებ შატბერაშვილი ;
  • ცენტრისტები - ხელმძღვანელი თეიმურაზ ხაჩიშვილი;
  • დემოკრატიული მოძრაობა - ერთიანი საქართველო - ხელმძღვანელი დავით ასპანიძე;
  • თამაზ მეჭიაური ერთიანი საქართველოსთვის - ხელმძღვანელი ზაურ ხაჩიძე;
  • სამშობლო - ხელმძღვანელი ომარ ცხვარაძე;
  • კახა კუკავა - თავისუფალი საქართველო - თავმჯდომარე კახა კუკავა;

ცენტრალური საარჩევნო კომისიის ცნობით, პარტიას, რომელსაც პარლამენტში ჰყავს წარმომადგენელი, პარლამენტის არჩევნებში მონაწილეობის მიზნით შეუძლია განცხადებით მიმართოს ცესკოს თავმჯდომარეს არა უგვიანეს 12 აგვისტოსი. ხოლო, პარტიებს, რომლებსაც არ ჰყავთ წარმომადგენელი საქართველოს პარლამენტში, შესაძლებლობა ჰქონდათ, არჩევნების თარიღის დანიშვნამდეც მიემართათ ცესკოს თავმჯდომარისთვის. მათთვის განცხადებით მიმართვის ბოლო ვადა 1 აგვისტოა.