რა ხდება: განზრახ მკვლელობის მცდელობის და სამსახურებრივი საქმიანობის შესრულების დროს პოლიციელზე თავდასხმის ბრალდებით 39 წლის კაცი დააკავეს.

  • დანაშაული 15 წლამდე ვადით თავისუფლების აღკვეთას ითვალისწინებს.

დეტალები: გამოძიებით დადგინდა, რომ ბრალდებულმა, თბილისში, აღმაშენებლის გამზირზე,
ურთიერთშელაპარაკების ნიადაგზე, ერთ პირს ცივი იარაღით დაზიანებები მიაყენა.

  • მან, ასევე, დაჭრა პოლიციელი, რომელიც ადგილზე გამოძახების შედეგად მივიდა.
  • შსს-ს ინფორმაციით,ორივე დაჭრილი საავადმყოფოშია გადაყვანილი, სადაც შესაბამისი სამედიცინო დახმარება უტარდებათ.
  • ბრალდებული ცხელ კვალზე დააკავეს.