უკრაინის პრეზიდენტი ვოლოდიმირ ზელენსკი AP-სთან ინტერვიუში ამბობს, რომ რუსეთთან ომი ახალ ეტაპზეა. ზამთარი, სავარაუდოდ, გაართულებს ბრძოლას ზაფხულის კონტრშეტევის შემდეგ, რომელსაც, იარაღისა და სახმელეთო ძალების დეფიციტის გამო, სასურველი შედეგი არ მოჰყვა.

ამის მიუხედავად, მან თქვა, რომ უკრაინა არ დანებდება.

"ჩვენ ომის ახალ ფაზაში ვართ და ეს ფაქტია. ზამთარი ომის სრულიად ახალი ფაზაა", — თქვა ზელენსკიმ.

კმაყოფილია თუ არა კონტრშეტევის შედეგებით: კითხვას უკრაინის პრეზიდენტი ასე პასუხობს:

"ვიბრძვით მსოფლიოში მეორე არმიასთან, მე კმაყოფილი ვარ. თუმცა ვკარგავთ ხალხს, რის გამოც არ ვარ კმაყოფილი; ვერ ვიღებთ საჭირო შეიარაღებას, ამის გამოც ვერ ვიქნები კმაყოფილი, თუმცა, ამასთან, ბევრსაც არ ვჩივი",— თქვა ზელენსკიმ — "ჩვენ გვინდოდა უფრო სწრაფი შედეგები. ამ თვალსაზრისით, სამწუხაროდ, სასურველ შედეგს ვერ მივაღწიეთ. და ეს ფაქტია".

  • მისი თქმით, უკრაინამ ვერ მიიღო საჭირო რაოდენობის შეიარაღება მოკავშირეებისგან.
  • "არ არის საკმარისი ძალა სასურველი შედეგის სწრაფად მისაღწევად, მაგრამ ეს არ ნიშნავს იმას, რომ ჩვენ უნდა დავნებდეთ. ჩვენ დარწმუნებულები ვართ ჩვენს ქმედებებში. ჩვენ ვიბრძვით იმისთვის, რაც ჩვენია“,— თქვა უკრაინის პრეზიდენტმა.

მისი განცხადებით, ბოლო რამდენიმე თვის განმავლობაში იყო გარკვეული დადებითი შედეგებიც — უკრაინამ მოახერხა მეტი ტერიტორიის დაბრუნება, უკეთ შეიარაღებული და გამაგრებული მტრის წინააღმდეგ.

  • ასევე, ზელენსკის თქმით, მოსკოვის შავი ზღვის ფლოტის სიძლიერე შემცირდა უკრაინის თავდასხმების შედეგად