ცოტა ხნის წინ BBC-მ მსოფლიოს გარშემო 100 ყველაზე გავლენიანი და შთამაგონებელი ქალი გამოავლინა, რომელთა შორისაც ქართველი ჟურნალისტი თამუნა მუსერიძეც მოხვდა.

თამუნა მუსერიძე ერთ-ერთი ყველაზე პოპულარული ფეისბუქჯგუფის, "ვეძებ"-ის დამფუძნებელია. ჯგუფის დახმარებით ერთმანეთის პოვნას ცდილობენ უკანონოდ გაშვილებული შვილები და მშობლები, რომლებსაც თავის დროზე სამშობიაროში განუცხადეს, რომ მათი ახალშობილი დაიღუპა, ასევე, დაკარგული დედმამიშვილები, ოჯახის წევრები და ნათესავები.

"ტელეწამყვანი თამარ მუსერიძე, იგივე თამუნა, 18 წლიდან ქართული სატელევიზიო ეთერების ცნობადი სახეა, თუმცა მისი ცხოვრება 31 წლის ასაკში რადიკალურად შეიცვალა, როცა აღმოაჩინა, რომ ნაშვილები იყო. მან თავისი ბიოლოგიური მშობლების საპოვნელად ყველა გზას მიმართა და ამ ძიებაში იპოვა მტკიცებულებები იმისა, რომ 1950-იანი წლებიდან საქართველოში გაშვილების მასშტაბური შავი ბაზარი არსებობდა.

მან ფეისბუქზე ჯგუფი 'ვეძებ' შექმნა, რომელმაც უკანონო გაშვილების პრაქტიკაზე, კერძოდ, ჩვილების სამშობიაროდან წაყვანაზე, საჯარო დისკუსია გამოიწვია. მუსერიძის ორგანიზაციამ ასობით ოჯახის გაერთიანებას შეუწყო ხელი, თუმცა ის თავის ოჯახს კვლავაც ეძებს", — წერს BBC.

ახალ ამბავს სოციალურ ქსელში თავად თამუნა მუსერიძეც გამოეხმაურა.

"ღმერთო არ მჯერა ეხლა ამას რომ ვწერ !!!!!!!!!!!!!!!!

უკვე 10 წელია, ყოველი წლის ბოლოს BBC მსოფლიოს სხვადასხვა ქვეყნებიდან გამორჩეული ქალების ასეულს აქვეყნებს. იმ ქალების, რომლებმაც საკუთარ ქვეყანაში გარკვეული წვლილი შეიტანეს და მის მიმართ ინტერესი მისი ქვეყნების ფარგლებს გაცდა.

წელს პირველად ბიბისი საქართველოში განვითარებული მოვლენებით დაინტერესდა!!!

წელს პირველად, ქართველი ქალი მოხვდა მსოფლიო ინფლუენსერი ქალების ასეულში!!!

წელს, მიშელ ობამასთან ერთად ამ ასეულში მე აღმოვჩნდი!!!

ჯერ ვცახცახებ და შეიძლება კარგად ვერ ვერ ვალაგებ ტექსტს, მაგრამ მთავარი ის არის, რომ ეს ყველაფერი ამად ღირდა!"

ამავე თემაზე: