მოკლედ: პროკურატურამ დამამძიმებელ გარემოებებში ჩადენილი განზრახ მკვლელობის მცდელობის ფაქტზე ერთ პირს ბრალდება წარუდგინა.

  • ბრალი სასჯელის სახედ და ზომად, 16-დან 20 წლამდე ითვალისწინებს.

რა მოხდა: 19 ნოემბერს, თბილისში, ბრალდებულმა დაზარალებულს მისსავე საცხოვრებელ სახლში, დედის თვალწინ, განსაკუთრებული სისასტიკით, ცივი იარაღით გულმკერდის არეში, სიცოცხლისთვის სახიფათო დაზიანებები მიაყენა.

  • დაჭრილი მამაკაცი მომღერალი კოსტა სანიკიძეა.
  • ბრალდებული სამართალდამცველებმა შემთხვევის ადგილზე დააკავეს.
  • დაზარალებული მიყენებული ჭრილობებით სამედიცინო დაწესებულებაში გადაიყვანეს.

ბოლო ხაზი: პროკურატურის განცხადების მიხედვით, ბრალდების მხარე, ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით თბილისის საქალაქო სასამართლოს კანონით დადგენილ ვადაში მიმართავს. სისხლის სამართლის საქმეზე გამოძიება გრძელდება.