რა ხდება: თბილისის მეტროს ვაგონებს განაახლებენ.

  • მთავრობის პრესსამსახურის ინფორმაციით, გადაწყვეტილება ირაკლი ღარიბაშვილმა მიიღო.
  • სამუშაოებისთვის სახელმწიფო ბიუჯეტიდან 475 მლნ ევრო გამოიყოფა.


დეტალები: პრემიერ-მინისტრმა საკუთარი გადაწყვეტილება თბილისის მერთან, კახა კალაძესთან და ფინანსთა მინისტრ ლაშა ხუციშვილთან შეხვედრაზე განიხილა.

  • კახა კალაძემ თქვა, რომ პროექტის ფარგლებში გათვალისწინებულია 212 ერთეული თანამედროვე, საერთაშორისო სტანდარტების შესაბამისი მეტროს ვაგონის შესყიდვა, რომელთა ეტაპობრივი მოწოდება და არსებული მოძველებული მატარებლების ჩანაცვლება შემდეგი 15 წლის განმავლობაში განხორციელდება.
  • მისი თქმით, 212 ვაგონი, ჯამში, 45 მატარებელია.
  • პროექტის მიხედვით, 13 ერთეული 4-ვაგონიანი მატარებელი საბურთალოს ხაზისთვის იქნება განკუთვნილი, ხოლო 32 ერთეული 5-ვაგონიანი მატარებელი — ახმეტელი-ვარკეთილის ხაზისთვის გამოიყოფა.
  • თბილისის მერის თქმით, უახლოეს დღეებში გამოცხადდება ბაზრის კვლევა, ამის შემდეგ კი საერთაშორისო ტენდერი, რომელშიც მონაწილეობის მიღება შეეძლება მეტროს ვაგონებისა და საგარეუბნო მატარებლების მწარმოებელ, მაღალი კვალიფიკაციისა და გამოცდილების მქონე უცხოურ კომპანიებს.