საქართველოს საკონსტიტუციო სასამართლომ წელს მეექვსე ახალი მანქანა იყიდა. ბოლო შენაძენი Toyota RAV 4-ია. ავტომობილის შესაძენად ხელშეკრულება, პირდაპირი წესით, 22 ივნისს ისევ შპს ტოიოტა ცენტრ თეგეტასთან გაფორმდა.

ავტომობილის ღირებულება 67 424 ლარია, თუმცა, სასამართლო ამ თანხის მესამედზე ნაკლებს - 19 200 ლარს ჩასანაცვლებელი ავტომობილით - Hyundai IX 35-ით დაფარავს.

სასამართლომ წელს 460 486 ლარის ღირებულების სულ ექვსი ახალი ავტომობილი იყიდა. ყველა შემთხვევაში მიმწოდებელი შპს ტოიოტა ცენტრი თეგეტაა, რომელებმაც ძველი ავტომობილები ჩაანაცვლა.

გთავაზობთ წელს შეძენილი ავტომობილების ჩამონათვალს

  • Toyota Camry (1 ცალი) - 55 622 ლარი;
  • Toyota Corolla (1 ცალი) - 37 172 ლარი;
  • Toyota Land Cruiser (1 ცალი) - 176 150 ლარი;
  • Toyota Camry (2 ცალი) - ჯამში 124 118 ლარი.

საქართველოს საკონსტიტუციო სასამართლომ კიდევ ერთი ავტომობილი - Toyota Rav4 prestige 139 700 ლარად გასულ წელს, 2016 წლის პირველ დეკემბერს შეიძინა. ამით ამ დროიდან დღემდე განახლებული ავტომობილების ღირებულება 600 186 ლარს გაუტოლდა.

საკონსტიტუციო სასამართლო ცხრა მოსამართლისგანაა დაკომპლექტებული. ავტომობილები მათ ემსახურება.