რა ხდება: გასულ ღამეს რუსი ოკუპანტები უკრაინას დრონებით, ასევე — ბალისტიკური და მართვადი საავიაციო რაკეტებით დაესხნენ თავს.

  • უკრაინის საჰაერო ძალების ინფორმაციით, კრასნოდარის მხარიდან 9 შაჰედი, ბალისტიკური რაკეტა ისკანდერ-M — ოკუპირებული ყირიმიდან, მართვადი X-35 კი — ოკუპირებული საპოროჟიიდან გაუშვეს.
  • მათივე ცნობით, საჰაერო თავდაცვამ შაჰედები გაანადგურა.

ბოლო ინფორმაცია ფრონტის ხაზიდან: უკრაინის გენშტაბის ინფორმაციით, ყველაზე ცხელ მიმართულებებად ავდეევკა, ბახმუტი და მარიინსკი რჩება.

  • ფრონტზე მტერთან 80 საომარი შეტაკება მოხდა.
  • უკრაინელმა სამხედროებმა დაარტყეს რუსეთის საჰაერო თავდაცვას, არტილერიას, მართვის პუნქტებს და მტრის მნიშვნელოვან სამიზნეებს.