დეტალები: საქართველოს პროკურატურის ინფორმაციით, მათი და სხვა 11 ქვეყნის უწყებების წარმომადგენლების ჩართულობით, თაღლითური ქოლ-ცენტრების წინააღმდეგ, ფართომასშტაბიანი ღონისძიებები ჩატარდა.

  • მათი თქმით, ღონისძიების მიზანი იყო ტრანსნაციონალური თაღლითური ქოლ-ცენტრებისა და მათ ორგანიზებაში ჩართულ პირთა გამოვლენა.
  • როგორც უწყებაში ამბობენ, გამოძიებით დადგინდა, რომ ორგანიზებული ჯგუფის წევრები ასეულობით ვებ-გვერდის გამოყენებით სანდო საინვესტიციო კომპანიების შთაბეჭდილებას ქმნიდნენ და დაზარალებულებს სხვადასხვა სახის ფინანსურ გარიგებებს სთავაზობდნენ.
  • ამ ეტაპისთვის არსებული ინფორმაციით, ზიანი რამდენიმე მილიონ ევროს შეადგენს.
  • უწყების თქმით, საქართველოში ჩატარებული ღონისძიებების შედეგად, ყადაღა დაედო დანაშაულებრივი გზით მოპოვებულ უძრავ-მოძრავ ქონებებს, საბანკო ანგარიშებს და მათზე განთავსებულ ფულად თანხებს.
  • "საქართველოს გენერალური პროკურატურა აგრძელებს აქტიურ თანამშრომლობას პარტნიორი ქვეყნების კომპეტენტურ უწყებებთან, საერთაშორისო მასშტაბით მოქმედი თაღლითური ქოლ-ცენტრების გამოვლენის მიზნით", — აღნიშნულია პროკურატურის განცხადებაში.