ქვიზი: მოგვიყევი შენზე და გეტყვით, რა იყიდო წიგნის დღეებზე

ყველა მკითხველისთვის საყვარელი ლიტერატურული დღესასწაული მოახლოვდა. თბილისის წიგნის დღეები 10 ნოემბრიდან 12 ნოემბრის ჩათვლით, ექსპო ჯორჯიას მე-11 პავილიონში (წერეთლის 118) გაიმართება. თუ ჯერ კიდევ არ გადაგიწყვეტია, რა იყიდო ფესტივალზე, ნება მოგვეცი, დაგეხმაროთ — ერთი-ორი სიტყვით მოგვიყევი შენზე და ერთად შევარჩიოთ საკითხავი.

რა ჟანრის/თემატიკის საკითხავი უფრო გხიბლავს?

რას ვერ აპატიებდი საყვარელ მწერალს?

რომელ სასუსნავთან ერთად გიყვარს კითხვა?

აირჩიე საყვარელი მთავარი პერსონაჟი

დაბოლოს — აირჩიე საყვარელი ეკრანიზაცია

ქვიზი: მოგვიყევი შენზე და გეტყვით, რა იყიდო წიგნის დღეებზე

შენ უნდა იყიდო "ზეცის ჩარხი"

გამომცემლობა მედუზა

საშენო წიგნი ცნობილი ამერიკელი ფანტასტის, ურსულა კ. ლე გუინის, "ზეცის ჩარხი" ყოფილა, რომელიც ქართულად წელს ითარგმნა. არაერთი პრესტიჟული პრემიის ნომინანტი წიგნი გვიყვება გმირზე, რომელსაც სიზმრების მეშვეობით წარსულისა და აწმყოს შეცვლა შეუძლია. "ზეცის ჩარხს" წიგნის დღეებზე გამომცემლობა მედუზას სტენდთან იპოვი.

შენ უნდა იყიდო "შუაღამის ბიბლიოთეკა"

გამომცემლობა პალიტრა L

როგორც აღმოჩნდა, საშენო საკითხავი "შუაღამის ბიბლიოთეკაა", რომელიც ქართულად სულ ახლახან ითარგმნა. მეთ ჰაიგის ეს რომანი ბოლო წლების ერთ-ერთი ყველაზე გაყიდვადი წიგნია მსოფლიოში. მისი მთავარი გმირი უიმედო ახალგაზრდა ქალია, რომელსაც ჯადოსნურ ბიბლიოთეკაში აღმოჩენით ეძლევა შესაძლებლობა, გაიგოს, როგორი იქნებოდა მისი ცხოვრება, წარსულში რომ სხვაგვარად ემოქმედა. წიგნის დღეებზე "შუაღამის ბიბლიოთეკას" გამომცემლობა პალიტრა L-ის სტენდთან იპოვი.

შენ უნდა იყიდო "ზარხუფი"

გამომცემლობა დიოგენე

საშენო საკითხავი ყოფილა მე-20 საუკუნის ერთ-ერთი ყველაზე აღიარებული ამერიკელი პოეტის, სილვია პლათის, ერთადერთი, ნახევრად ავტობიოგრაფიული რომანი "ზარხუფი". წიგნი ქართულად წლების წინ ითარგმნა, თუმცა, დიდი ხნის განმავლობაში მისი ტირაჟი ამოწურული იყო და მკითხველები განსაკუთრებულად ელოდნენ. რომანის მთავარი გმირი პლათის პროტოტიპი, ესთერ გრინვუდია, ამბავი კი დიდწილად ავტორის ცხოვრებისეულ გამოცდილებას და სირთულეებს ასახავს. "ზარხუფს" წიგნის დღეებზე გამომცემლობა დიოგენეს სტენდთან იპოვი.

შენ უნდა იყიდო "ორ ზღვას შუა"

სულაკაურის გამომცემლობა

საშენო წიგნი თანამედროვე ქართველი მწერლის, მარი ბექაურის, უახლესი კრებული "ორ ზღვას შუა" ყოფილა. წიგნში თავმოყრილი იუმორისტული მოთხრობები დიდწილად რეალურ და თანაც ყველასთვის ცნობილ ამბებს ეფუძნება, რაც მის კითხვას ერთიორად უფრო სახალისოს ხდის. კრებულის პოვნას წიგნის დღეებზე სულაკაურის გამომცემლობის სტენდთან შეძლებ.

შენ უნდა იყიდო "თოფები, მიკრობები და ფოლადი"

სულაკაურის გამომცემლობა

საშენო წიგნია ცნობილი ამერიკელი მეცნიერის, ჯარედ დაიმონდის, წიგნი "თოფები, მიკრობები და ფოლადი". ეს ცნობილი არამხატვრული ტექსტი სამეცნიერო პოპულარული ენით ჰყვება, როგორ ყალიბდებოდა და ვითარდებოდა ადამიანთა საზოგადოებები და რა საიდუმლო იმალება მათი უთანასწორობის მიღმა. ამ უახლესი თარგმანის პოვნას წიგნის დღეებზე სულაკაურის გამომცემლობის სტენდთან შეძლებ.

შენ უნდა იყიდო "ჰამნეტი"

ქარჩხაძის გამომცემლობა

როგორც აღმოჩნდა, საშენო წიგნია ცნობილი ჩრდილოეთირლანდიელი მწერლის, მეგი ო'ფერელის, "ჰამნეტი". 2020 წელს გამოცემულმა ამ რომანმა მიიღო ქალთა პრემია მხატვრულ ლიტერატურაში. ნაწარმოები მხატვრულად ჰყვება უილიამ შექსპირის 11 წლის ასაკში გარდაცვლილი შვილის ამბავს. "ჰამნეტს" წიგნის დღეებზე ქარჩხაძის გამომცემლობის სტენდთან იპოვი.

შენ უნდა იყიდო "იგავები"

გამომცემლობა ინტელექტი

საშენო წიგნი ოსკაროსანი მსახიობის, რეჟისორისა და აქტივისტის, ნატალი პორტმანის, "იგავები" ყოფილა. უხვად დასურათებული ეს წიგნი მხოლოდ ბავშვებისთვის როდია განკუთვნილი — მასში მოთხრობილი ამბები ერთგვარი ცხოვრებისეული გაკვეთილებია, რომლებიც დიდებსაც ბევრ რამეს ასწავლის. ამ უახლეს თარგმანს წიგნის დღეებზე გამომცემლობა ინტელექტის სტენდთან იპოვი.

შენ უნდა იყიდო "მე, ტიტუბა... შავკანიანი ალქაჯი სეილემიდან"

გამომცემლობა პოლინომიალი

საშენო წიგნი ყოფილა ცნობილი ფრანგი ავტორის, მარის კონდეს, "მე, ტიტუბა... შავკანიანი ალქაჯი სეილემიდან". ეს ისტორიული რომანი მხატვრულად გვიყვება მე-17 საუკუნის მასაჩუსეტსის შტატში განვითარებულ ამბებს "ალქაჯებზე ნადირობის" შესახებ. თუმცა, რომანის მთავარი გმირი, შავკანიანი მონა ტიტუბა, რეალური ადამიანი იყო, რომელიც სეილემში ერთ-ერთი პირველი დაადანაშაულეს ჯადოქრობაში. ამ უახლეს თარგმანს წიგნის დღეებზე სულაკაურის გამომცემლობის სტენდთან იპოვი.

თუ წიგნების კითხვა და მათი განხილვა არასდროს გბეზრდება, შემოგვიერთდი ჯგუფში ერთი გვერდიც და...

ბოლო ამბები:

გირჩევთ