რა ხდება? პრემიერ-მინისტრი, ირაკლი ღარიბაშვილი აცხადებს, რომ მთავრობა მოამზადებს კანონპროექტს, რომელიც სათამაშო ბიზნესის მოგებას მეტად დაბეგრავს, ვიდრე აქამდე იყო.

რას შეცვლის ეს კანონპროექტი: ახალი ინიციატივით,

  • სათამაშო ბიზნესი დაიბეგრება მოგების 15 %-იანი განაკვეთით, დღეს არსებული 10%-ის ნაცვლად.
  • ხოლო სათამაშო ბიზნესიდან თანხის გატანა დაიბეგრება 5 %- ით, დღეს მოქმედი 2%-ის ნაცვლად.

რას ელოდება ამ ცვლილებით მთავრობა: ღარიბაშვილის არგუმენტით,

  • დამატებით 300 მილიონ ლარს საბანკო სექტორიდან,
  • 400 მილიონს — სათამაშო ბიზნესიდან.
  • "ჯამში 700 მილიონი დამატებითი შემოსავალი გვექნება 2024 წელს", — აცხადებს ღარიბაშვილი.
  • მან სათამაშო ბიზნესის მოგების ზრდის ტენდენციაზეც ისაუბრა: "ძალიან სამწუხაროა ის ფაქტი, რომ სათამაშო ბიზნესის ბრუნვა იზრდება. მე ნამდვილად არ მიხარია, ძალიან ბევრი მოქალაქე ჯერ კიდევ არის ჩართული სათამაშო ბიზნესში", — თქვა მან.

ბოლო ხაზი: მთავრობამ, შარშან, 2022 წელს, საკანონმდებლო ცვლილებით სათამაშო ბიზნეს რეკლამირება აუკრძალა და მოქალაქეებისთვის სათამაშო პროდუქტებით მომსახურების ასაკობრივი ზღვარი 25 წლამდე განსაზღვრა. ღარიბაშვილის ეს ახალი ინიციატივა, სათამაშო ბიზნეს კიდევ გაუზრდის გადასახადს.