გამოცემა Reuters ევროკავშირის ოფიციალურ პირებზე დაყრდნობით წერს, რომ ჯერ არ არის გადაწყვეტილი, მიიღებს თუ არა საქართველო კანდიდატის სტატუსს.

რა მოლოდინებია უკრაინასთან დაკავშირებით: სააგენტო, ასევე, წყაროებზე დაყრდნობით წერს, რომ ევროკომისიის ანგარიშში, რომელიც 8 ნოემბერს გამოქვეყნდება, ევროკავშირში გაწევრიანებისთვის უკრაინის პროგრესიც იქნება შეფასებული.

დეტალები: Reuters-ის მიხედვით,

  • ევროკომისიის ყოველწლიური ანგარიშში შეფასდება ბლოკში გაწევრიანების მსურველი ქვეყნების პროგრესი, თუ რამდენად მიუახლოვდნენ საჭირო ეკონომიკურ, სამართლებრივ თუ სხვა კრიტერიუმებს.
  • ევროკავშირის ლიდერების 14-15 დეკემბრის სამიტზე ელოდებიან გადაწყვეტილების მიღებას, დაიწყოს თუ არა ოფიციალურად გაწევრებასთან დაკავშირებული მოლაპარაკებები უკრაინასთან.
  • მოსალოდნელია, რომ კიევი დადებით რეკომენდაციას მიღებს, სავარაუდოდ, დამატებითი პირობებით, რომელიც უკავშირდება უმცირესობების უფლებებს. ეს საკითხი უნგრეთმა წამოჭრა.

ასევე, უკრაინის კონტექსტში, ვენეციის კომისიის 9 ოქტომბრის შეფასებაში აღნიშნულია, რომ ეროვნულ უმცირესობებთან დაკავშირებული სამართლებრივი აქტები გაუმჯობესებულია, თუმცა მეტის გაკეთებაა საჭირო.

  • Reuters წერს, რომ მოსალოდნელია, ევროკომისიის ანგარიშშიც მსგავსი შეფასება შევიდეს.
  • ევროკავშირის ოფიციალურმა წარმომადგენელმა თქვა, რომ ამ კვირაში მსგავსი რეკომენდაცია, შეიძლება, მიიღოს მოლდოვამაც.