რა ხდება? სახალხო დამცველის აპარატი, მათ მიერ მიწვეულ ექსპერტთა ჯგუფზე დაყრდნობით, საქართველოს მესამე პრეზიდენტის, მიხეილ სააკაშვილის ჯანმრთელობის მდგომარეობის შესახებ ახალ ცნობას ავრცელებს.

რა გავიგეთ? ომბუდსმენის მიერ მიწვეულმა სპეციალისტებმა მიხეილ სააკაშვილი მოინახულეს 2023 წლის 19 ოქტომბერს, მისი ჯანმრთელობის მდგომარეობის შეფასების მიზნით.

დასკვნის მიხედვით, სააკაშვილის ჩივილებია:

  • საერთო სისუსტე, წონასწორობის კარგვა, დაბუჟების შეგრძნება კიდურებში, ენერგიის დაქვეითება, კონცენტრაციის დაქვეითება, მეხსიერების გაუარესება.
  • გამოხატული კუნთების ატროფია.

  • მეტწილად, წევს, თავს სუსტად გრძნობს და "კითხვებს უხალისოდ პასუხობს", — აღნიშნულია მისი გასინჯვის შედეგებში.

  • "იღებს მედიკამენტებს, რომლის ფონზეც ძილი გაუმჯობესებულია, აღარ აღნიშნავს კოშმარულ სიზმრებსაც, — იუწყება ომბუდსმენის კონსილიუმი, — გრძელდება სიმპტომური მკურნალობა".

ომბუდსმენის ექიმ-ექსპერტების დასკვნით, მიხეილ სააკაშვილი მჭიდრო სამედიცინო მეთვალყურეობას საჭიროებს.