ყველა დროის ერთ-ერთი ყველაზე პოპულარული ანიმაციური შოუ, ავატარი: ჰაერის უკანასკნელი მბრძანებელი, ნეტფლიქსზე სერიალის სახით ბრუნდება. სერიალი, რომელსაც წლებია, სულმოუთქმელად ველოდებით, 2024 წელს გამოვა. ცოტა ხნის წინ უკვე გავიცანით აანგი, კატარა, სოკა და ზუკო. ახლა კი სერიალის სხვა მთავარი პერსონაჟების, კერძოდ კი — ცეცხლის მბრძანებლების დრო დადგა.

ნეტფლიქსის ახალ ფოტოებში ზუკოსთან ერთად აზულას, ბიძია აიროს, ცეცხლის მბრძანებელ ოზაისა და ოფიცერ ჟაოსაც ვეცნობით.

დალას ლიუ ზუკოს როლში

ფოტო: Netflix

დენიელ დაი კიმი ოზაის როლში

ფოტო: Netflix

ელიზაბეთ იუ აზულას როლში

ფოტო: Netflix

პოლ სან-ჰიუნ ლი ბიძია აიროს როლში

ფოტო: Netflix

კენ ლეუნგი გენერალი ჟაოს როლში

ფოტო: Netflix

აღსანიშნავია, რომ აანგის როლს გორდონ კორმიე ასრულებს, კატარას როლს — კიავენტიიო, სოკას პერსონაჟს კი იენ ოუსლი განასახიერებს. სხვა მსახიობების სია იხილე აქ.

ავატარი: ჰაერის უკანასკნელი მბრძანებელი სამყაროზე მოგვითხრობს, რომელიც ოთხი სტიქიის ნიშნის მიხედვითაა დაყოფილი: წყალი, ცეცხლი, მიწა და ჰაერი. ცეცხლის ხალხის მიერ სხვათა დაპყრობის შემდეგ სამყაროში მშვიდობის დაბრუნება მხოლოდ განსაკუთრებულ ადამიანს, ავატარს, შეუძლია, რომელიც ოთხივე სტიქიას ფლობს. ახალ ავატარს, აანგს, წყლისტომელი და-ძმა, კატარა და სოკა, შემთხვევით აღმოაჩენენ და მას სხვებთან ერთად სამყაროს გადარჩენაში ეხმარებიან.

ავატარის ანიმაცია 2005 წელს გამოვიდა და მაყურებელთა სიყვარული მალევე მოიპოვა. სამსეზონიანი წარმატებული შოუს შემდეგ, ანიმაციური სერიალი ახალ ავატარ კორაზეც გადაიღეს.

ამავე თემაზე:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…