4 ივლისს ამერიკის შეერთებული შტატები დამოუკიდებლობის დღეს აღნიშნავს. 241 წლის წინ, სწორედ ამ დღეს მოეწერა ხელი ისტორიული დოკუმენტს, რომელშიც ჩრდილოეთ ამერიკის ბრიტანული კოლონიები დიდი ბრიტანეთისგან დამოუკიდებლობას აცხადებდნენ.

ამ დღეს მთელი ამერიკა განსაკუთრებულად აღნიშნავს, მზადდება სპეციალური გადაცემები, შოუები, სერიალებიც კი. საერთო დღესასწაულს არც HBO გამოაკლდა და ამერიკისთვის ასეთ ღირსშესანიშნავ დღეს დოკუმენტური ფილმი მიუძღვნა, რომელშიც ჰოლივუდის ვარსკვლავები და პოლიტიკოსები ერთი მიზნით გააერთიანა - ისინი აშშ-ის კონსტიტუციას კითხულობენ.

ფილმში ერთმანეთის გვერდიგვერდ ჩნდებიან მერილ სტრიპი, დონალდ ტრამპი, ჰილარი კლინტონი, სამუეულ ელ ჯეკსონი, ბარაკ ობამა, ჯორჯ ბუში, ნილ პატრიკ ჰარისი, რობერტ დე ნირო, მორგან ფრიმენი და სხვა ცნობილი პოლიტიკოსები თუ ჰოლივუდის ვარსკვლავები.