რატომ არის მნიშვნელოვანი: 27 ივნისს, კარფურის ჰიპერმარკეტთან ფორმულას ერთ-ერთ დამფუძნებელს, მიშა მშვილდაძეს უცნობი პირი თავს დაესხა და ფიზიკურად გაუსწორდა.

  • "სახეში მუშტი დამარტყა. მერე ფეხი წამოვკარი კიბეს და წავიქეცი, წამოდგომა ვერ მოვახერხე და ის უკნიდან ცდილობდა, რომ ერტყა და ერტყა კიდევ", — უთხრა მშვილდაძემ ფორმულას.
  • მოგვიანებით, სოციალური ქსელის მომხმარებელმა, ნიკოლოზ გუგეშაშვილის სახელით დაწერა, რომ მშვილდაძეს თავს ის დაესხა.
  • პოსტის ავტორი ჰომოფობიურ ფრაზებს აჟღერებდა და ამტკიცებდა, რომ რომ მშვილდაძეს რელიგიისადმი დამოკიდებულების გამო სცემა.
  • ფორმულას განცხადებით, მშვილდაძეზე თავდასხმის ერთ-ერთი ფიგურანტი სახელმწიფო უსაფრთხოების სამსახურის გამომძიებელი, გიორგი მუმლაძეა.
  • ტელეკომპანიაში ამბობენ, რომ რომ მუმლაძე ბოლომდე ესწრებოდა თავდასხმის პროცესს და მეწყვილესთან ერთად ყველაზე ბოლომ დატოვა შემთხვევის ადგილი.
  • 6 ივლისს, სპეციალურმა საგამოძიებო სამსახურმა გაავრცელა განცხადება, რომ მიხეილ მშვილდაძის მიმართ განხორციელებული ძალადობის ფაქტზე დაწყებული სისხლის სამართლის საქმე გამოსაძიებლად მათ გადაეცათ.

დეტალები: ფორმულაში ამბობენ, რომ უწყებ გამოძიება ისე დაასრულა, რომ შედეგი არ დამდგარა.

  • მათი თქმით, საგამოძიებო სამსახურმა დაზარალებულს არ უჩვენა გამოძიებისთვის პრინციპულად მნიშვნელოვანი კადრები.
  • "სისტემა არის მთლიანად გახრწნილი. სხვადასხვა შტოები ჩართული ერთად გაყალებებაში, ყველაფერი სახეზეა", — ამბობს ფორმულას დამფუძნებელი.
  • როგორც მიშა მშვილდაძე წერს, აპირებს სტრასბურგის სასამართლოს მიმართოს.