სიტკომების ისტორიაში The Big Bang Theory-დან შელდონ კუპერი მართლად ერთ-ერთი გამორჩეული პერსონაჟია. ზოგი შელდონის გამონათქვამებზე გიჟდება, ზოგსაც კი აღიზიანებს, თუმცა უნდა ვაღიაროთ, რომ ამ პერსონაჟის გარეშე შოუ ნამდვილად მოსაწყენი იქნებოდა. სტატიაში კი შელდონის 10 გენიალურ ფრაზას გიზიარებთ, რომელიც უკონტექსტოდაც კი ძალიან სახალისოა.

1. "ბოდიში, მაგრამ ყავა გამორიცხულია. როცა კალიფორნიაში გადავედი, დედას დავპირდი, რომ ნარკოტიკების მოხმარებას არ დავიწყებდი"

2. "სულელი რომ ხარ, ეგ ტირილის მიზეზი არ არის. ადამიანი მაშინ ტირის, როცა სევდიანია. მაგალითად, მე ვტირი, რადგან სხვები არიან სულელები და ეს მასევდიანებს"

3. "გიჟი არ ვარ, დედამ შემამოწმა"

4. "მიუხედავად იმისა, რომ მრავალი სამყაროს არსებობის თეორიას ვეთანხმები, რაც უსასრულო რაოდენობის შელდონების არსებობას მოიაზრებს, გარწმუნებთ, რომ არცერთ მათგანში არ ვცეკვავ"

5. "ხალხი ამბობს, რომ სიყვარულის გარეშე ვერ იცოცხლებ, მე კი ვფიქრობ, რომ ჟანგბადი უფრო მნიშვნელოვანია"

6. "მე ყოველთვის ვუსმენ ჩემს თავს. ეს ჩემი ცხოვრების ერთ-ერთი უდიდესი სიამოვნებაა"

7. "როგორც ჩანს, სამთავრობო სუპერკომპიუტერს ისე ვერ დაჰაკავ და შემდეგ ურანის ყიდვას ვერ შეეცდები, რომ საშინაო უსაფრთხოების დეპარტამენტმა დედაშენთან არ დაგაბეზღოს"

8. "საჩუქარი კი არ მაჩუქე, ვალდებულება ამკიდე"

9. "დედაჩემი მანქანაში სიგარეტს ეწევა, იესოს ამაზე პრობლემა არ აქვს, მაგრამ მამისთვის თქმა მაინც არ შეიძლება"

10. დაბოლოს, "იმის უარყოფა არ შეიძლება, რომ შენ მიმართ გრძნობები მაქვს, რომლებიც სხვაგვარად ვერ აიხსნება. თავიდან ვიფიქრე, რომ ტვინში პარაზიტი მყავდა, მაგრამ ეს კიდევ უფრო არაბუნებრივია. ბოლოს ერთადერთი დასკვნა სიყვარული აღმოჩნდა"

ასევე იხილეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…