ელიტ ელექტრონიქსი ერთ-ერთი ყველაზე პროგრესირებადი და მზარდი კომპანიაა საქართველოს სამომხმარებლო ტექნიკის ბაზარზე, რომელიც ქმნის უნიკალურ სამომხმარებლო გამოცდილებას და ნერგავს ინოვაციებს.

ელიტ ელექტრონიქსის ბრენდის არსს წარმოადგენს სიახლე ცხოვრებაში, შესაბამისად ბრენდს სიახლე არა მხოლოდ მისი მომხმარელბებისთვის, არამედ თითოეული ადამიანისთვის მოაქვს.

სწრაფად ცვალებად გარემოში ცხოვრება აჩენს ახალ სამომხმარებლო საჭიროებებს. თუ ციფრული ტექნიკა ადრე ფუფუნების საგნად ითვლებოდა, დღეს ტექნოლოგია საწვლა-განათლებისთვის მნიშვნელოვან როლს ასრულებს. შესაბამისად, ახალი სასწავლო წლისთვის ელიტ ელექტრონიქსმა გადაწყვიტა ახალი როლი და განსაზღვრება მიენიჭებინა როგორც ბრენდის, ისე მომხმარებლებისთვის.

1 სექტემბრიდან 30 სექტემბრის ჩათვლით ელიტ ელექტონიქსმა წამოიყო კამპანია, რომლის ფარგლებშიც თითოეული შეძენილი ნივთიდან 1 ლარი გადაირიცხება ჩართეს ფონდში.

ფოტო: ელიტ ელექტრონიქსი

რა არის ჩართე?

Charte.ge არის ონლაინ პლატფორმა, სადაც მოქალაქეები ყოველ თვე უფინანსებენ ინტერნეტისა და ლეპტოპის გადასახადს სოციალურად დაუცველ უფროსკლასელებს. ამ ეტაპზე 5000-მდე მოქალაქემ ინტერნეტში ჩართო 2 200-ზე მეტი მოსწავლე საქართველოს რეგიონებში.

ჩართეს პლატფორმა არის 100%-ით გამჭვირვალე. საიტზე ყოველთვიურად ქვეყნდება ანგარიში, სადაც აღწერილია პროექტის თითოეული ხარჯი და ბრუნვის საბანკო ამონაწერი.

ასევე, ჩართეში გაწევრიანებულ მოქალაქეებს ელ. ფოსტის საშუალებით ეგზავნებათ ყველა სახის ფოტო მასალა, ისტორია და იმ ახალგაზრდების მიღწევა, რომლებსაც საჩუქრად გადაეცათ ლეპტოპი ან დაუფინანსდათ ინტერნეტის გადასახადი.

ელიტ ელექტრონიქსი მზად არის ადამიანების ცხოვრებაში შეიტანოს უახლესი ტექნოლოგიები, რათა ხელი შეუწყოს მათში სრული პოტენციალის გამოვლენას. დღეის მონაცემებით 78 ათას სოციალურად დაუცველ მოსწავლეს არ აქვს ინტერნეტი. ელიტ ელექტრონიქსისა და ჩართეს ერთობლივი პროექტის საშუალებით, ნებისმიერ მომხმარებელს საშუალება ექნება დააფინანსოს ეს ახალგაზრდები.

შეგახსენებთ რომ, ელიტ ელექტრონიქსში მსოფლიოს 200-მდე წამყვანი ბრენდის 7000-მდე დასახელების საყოფაცხოვრებო და ციფრულ ტექნიკასთან ერთად ახლა უკვე ავეჯიც არის წარმოდგენილი. შესაბამისად აქცია იმოქმედებს ნებისმიერი ნივთის შეძენის შემთხვევაში. თითოეულ მომხმარებელს სალაროსთან გადაეცემა ჩართეს სტიკერები და ქარდები, სადაც დეტალური ინფორმაცია იქნება განთავსებული.