ახალი პოლიტიკური ცენტრი - გირჩის ერთ-ერთ დამფუძნებელსა და ლიდერს, ზურა ჯაფარიძეს არ სჯერა, რომ 2017 წლის თვითმმართველობის არჩევნებს მოიგებენ. მისი თქმით, ეს "ზღაპარია". არჩევნებში მონაწილეობის მიზეზებსა და გეგმებზე ჯაფარიძემ რამდენიმე წუთის წინ ფაბრიკაში ისაუბრა.

ჯაფარიძე ამბობს, რომ არჩევნებში მათი მონაწილეობის მთავარი მიზანი საკუთარი ამომრჩევლის რაოდენობის გაზომვაა. პარტია საარჩევნო კამპანიას საკუთარი იდეების გასაჟღერებლად გამოიყენებს. გირჩი არ გეგმავს რომელიმე პარტიასთან გაერთიანებას და დამოუკიდებლად იწყებს არჩევნებში მონაწილეობისთვის საჭირო ხელმოწერების შეგროვებას.

ჯაფარიძე ამბობს, რომ ახალგაზრდები ნიჰილიზმის გამო არჩევნებზე არ დადიან და პარტიებიც მათ ინტერესებს საარჩევნო პროგრამებში არ ითვალისწინებენ.

"რაც უფრო მდიდარია პარტია მეტი კოორდინატორი ჰყავს და მეტი ხმის მიღების შანსი აქვს. ჩვენ არ გვყავს კოორდინატორები და ბრძოლის ერთ-ერთი ინსტრუმენტი ვებგვერდია," - ამბობს ჯაფარიძე, რომელმაც დღეს ახალ ვებგვერდზე ისაუბრა და აღნიშნა, რომ ყველა ადამიანს საკუთარი სივრცის შექმნა შეუძლია.

ჯაფარიძის თქმით, ვებგვერდზე პოლიტიკოსებთან დარეკვის ფუნქციის დამატებასაც განიხილავენ. ამ გზით მოქალაქეებს საშუალება ექნებათ პოლიტიკოსებზე