რა ხდება ფრონტის ხაზზე — ბოლო ცნობები უკრაინიდან
![](http://phoebe.on.ge/2023/03/04/03ukraine-briefing-bakhmut-topart-sub-kvlj-videoSixteenByNine3000_6403084c76d6a.jpeg)
ფოტო: New York Times
რატომ არის მნიშვნელოვანი: გასულ წელს უკრაინამ წარმატებული კონტრშეტევა განახორციელა და რუსული ძალები კიევიდან ჩრდილო-აღმოსავლეთის, ასევე, სამხრეთით, ხერსონის რეგიონის ტერიტორიებზე დაამარცხა.
- ოკუპანტები კვლავ იკავებენ აღმოსავლეთის, სტრატეგიულად მნიშვნელოვანი სამხრეთისა და ყირიმის ნახევარკუნძულის ნაწილებს.
- პრეზიდენტი ვოლოდიმირ ზელენსკი ამბობს, რომ სურთ, მათი მიწის ყოველი სანტიმეტრი დაიბრუნონ რუსეთისგან, რომელმაც ცალმხრივად გამოაცხადა უკრაინის ხუთი რეგიონი საკუთარ შემადგენლობაში.
ზაფხულის კონტრშეტევა, რომელიც უკრაინამ წამოიწყო, გრძელდება.
- ომში მყოფი ქვეყნის ოფიციალური პირები ფრონტის ხაზზე გარკვეულ წინსვლაზე საუბრობენ.
- უკრაინის თავდაცვის სამინისტროს ინფორმაციით, მათმა შეიარაღებულმა ძალებმა დონეცკის ოლქის სოფელი უროჟაინოე გაათავისუფლეს.
-
ამის შესახებ უკრაინის თავდაცვის მინისტრის მოადგილემ, ანა მაილიარმა ტელეგრამზე განაცხადა.
-
მანვე თქვა, რომ უკრაინელი სამხედროები აგრძელებენ შეტევით მოქმედებებს.
აზოვის ბატალიონის დაბრუნება: 17 აგვისტოს, ცნობილი გახდა, რომ აზოვის ბატალიონი აღდგა და ფრონტის ხაზზე დაბრუნდა.
- უკრაინის ეროვნული გვარდიის წარმომადგენლის თქმით, აზოვის მებრძოლები საიმედოდ იკავებენ თავიანთ პოზიციებს და გამანადგურებელ ზარალს აყენებენ მტერს.
- "ლეგენდარული აზოვის სპეციალური დანიშნულების ბრიგადა აღდგენილია და დაიწყო საბრძოლო მისიების შესრულება სერებრიანსკის სატყეო ზონაში", — განაცხადა პოლკოვნიკმა, ნიკოლაი ურშალოვიჩმა.
-
აზოვსტალის მცველები რუსეთმა ტყვედ 2022 წლის 17 მაისს აიყვანა, ამავე წლის სექტემბერში, რუსეთსა და უკრაინას შორის სამხედრო ტყვეების გაცვლის პირობებით, აზოვის მებრძოლები, მათ შორის, მეთაური, დენის პროკოპენკო, თურქეთში გაგზავნეს.
-
ისინი ომის დასრულებამდე იქ უნდა დარჩენილიყვნენ, თუმცა 2023 წლის ივლისში აზოველები თურქეთში მყოფ ვლადიმირ ზელენსკისთან ერთად სამშობლოში დაბრუნდნენ.
-
რუსეთმა თურქეთი და უკრაინა შეთანხმების დარღვევაში დაადანაშაულა.
გასული ღამის განმავლობაში რუსეთმა უკრაინის მიმართულებით ოთხი სარაკეტო და 53 საჰაერო დარტყმა განახორციელა.
- მედიის ცნობით, საოკუპაციო ძალებმა 40-ჯერ დაბომბეს უკრაინის სხვადასხვა დასახლება მრავალჯერადი სარაკეტო სისტემებიდან.
- გენშტაბის ინფორმაციით, არიან დაღუპულები და დაჭრილები, განადგურებულია საცხოვრებელი კორპუსები და ინფრასტრუქტურა.
რუსეთს წარუმატებლობა ფრონტის ხაზზე 5 მიმართულებით აქვს.
- უკრაინის გენშტაბის ცნობით, კუპიანსკის მიმართულებით მტერმა წარუმატებელი შეტევითი ოპერაციები ჩაატარა.
- მათივე ინფორმაციით, ოკუპანტების შეტევა მოგერიებულია ლიმანის მიმართულებით, ლუგანსკის ოლქის ბელოგოროვკას რაიონში.
- რუსეთი კვლავ ვერ აღწევს თავის მიზანს ბახმუტის მიმართულებით. წარუმატებელი აღმოჩნდა მათი შეტევითი ოპერაციები დონეცკის ოლქის ბოგდანოვკასა და ბელაია გორას რაიონებში.
- უკრაინის თავდაცვის ძალები აგრძელებენ რუსული ჯარების წინსვლის შეკავებას მარინკას მიმართულებით, დონეცკის რეგიონში, მარინკასა და კრასნოგოროვკას რაიონებში.
- ომში მყოფი ქვეყნის ოფიციალური პირები, ასევე, იტყობინებიან რუსეთის მარცხზე ავდიივკას მიმართულებითაც.
სხვა რეგიონებში სიტუაცია კვლავ რთულია. გასულ ღამეს ოკუპანტებმა მხოლოდ ხერსონის ოლქს 207 ჭურვი ესროლეს.
- უკრაინის ოფიციალური უწყებების ცნობით, ჩერნიგოვში 52 აფეთქება მოხდა.
- მტერმა გამოიყენა ნაღმტყორცნები და არტილერია. ადგილობრივი მოსახლეობის მსხვერპლის ან სამოქალაქო ინფრასტრუქტურის დაზიანების შესახებ ინფორმაცია არ გავრცელებულა.
- ოკუპანტებმა 20-ზე მეტი ჭურვი ესროლეს დნეპროპეტროვსკის დასახლებებს.
- უკრაინული მედიის ცნობით, დაღუპულები და დაშავებულები არ არიან, თუმცა დაზიანდა მშვიდობიანი მოსახლეობის საცხოვრებელი სახლები, ავტომობილები და ელექტროგადამცემი ხაზები.
- ბოლო 24 საათის რუსმა სამხედროებმა ზაპოროჟიეს 20 დასახლებულ პუნქტს 79 დარტყმა მიაყენეს.
- დაფიქსირდა 22 ცნობა საცხოვრებელი კორპუსების, დამხმარე შენობებისა და ინფრასტრუქტურის განადგურების შესახებ.
- ხარკოვის ოლქში, ქალაქ კუპიანსკის დაბომბვის შედეგად ერთი ადამიანი გარდაიცვალა, ერთი კი დაშავდა.
-
-
გადახედვა
-
გადახედვა
-
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
-
-
გადახედვა
-
-
-
გადახედვა
კომენტარები