ელიავაზე, ავტონაწილების ბაზრობაზე ხანძარია. როგორც საგანგებო სიტუაციების სამსახურში On.ge-ს განუცხადეს, შემთხვევის ადგილზე სახანძრო სამაშველო ჯგუფი მობილიზებულია და ცეცხლის ჩასაქრობად ამ დროისთვის 8 სახანძრო მანქანა მუშაობს.

უწყების ცნობით, ხანძრის გამომწვევი მიზეზები ამ დროისთვის უცნობია და დამატებით დეტალებზე კომენტირებისგან თავს იკავებენ.

განახლება, 22:05: საგანგებო სიტუაციების სამსახურის პრესსამსახურის ინფორმაციით, აგლაძის ქუჩაზე, ავტო ნაწილების მაღაზიაში გაჩენილი ხანძარი დაახლოებით 600 კვ.მ-ზეა მოდებული. ადგილზე უკვე მობილიზებულია 15-მდე სახანძრო და სამაშველო მანქანა. ხანძრის სალიკვიდაციო სამუშაოებში ჩართულია 80-მდე მეხანძრე-მაშველი. საბედნიეროდ, ხანძრის შედეგად, არავინ დაშავებულა.