რატომ არის მნიშვნელოვანი: მეგი გოგიტიძე რუსეთში მოღვაწე მომღერალია, რომელმაც უკრაინაში შეჭრის შემდეგაც ოკუპანტ ქვეყანაში კონცერტი არაერთხელ ჩაატარა.

  • გოგიტიძის კონცერტი ბათუმში გასული წლის ივლისშიც იყო დაგეგმილი.
  • ის კლუბ Sector 26-ში უნდა ჩატარებულიყო, თუმცა მას შემდეგ, რაც ცნობილი გახდა, რომ მომღერალმა კონცერტები მოსკოვსა და სოჭშიც დაგეგმა, კლუბმა ის გააუქმა.
  • რამდენიმე დღის წინ, პირველ აგვისტოს კი ცნობილი გახდა, რომ ცხინვალში პოლიტიკოსებისა და მოქალაქეების პროტესტის შემდეგ ვლადიკავკაზში მეგი გოგოტიძის კონცერტი გაუქმდა.
  • მას ომის 15 წლის თავზე უნდა ემღერა.

დეტალები: გოგიტიძე ვიდეოს ფეისბუქგვერდზე აქვეყნებს და ასე აანონსებს საკუთარ კონცერტს.

  • როგორც ის ამბობს, კონცერტი ბათუმში, საზაფხულო თეატრში 19 აგვისტოს, 21:00 საათზე გაიმართება.
  • On.ge დეტალების გარკვევას ცდილობს.