კობახიძე ბათუმში გამართულ აქციაზე: ეს არის ქაჯობა

28 Jul. 2023, 11:25

მე ერთი უხეში ტერმინი მინდა გამოვიყენო, რასაც ვხედავთ ეს არის უბრალოდ ქაჯობა. მე მინდა შეგახსენოთ, რომ ამ ქაჯობამ ქვეყანას ძალიან მძიმე შედეგები მოუტანა სხვადასხვა დროს — ეს იყო 90-იანი წლების დასაწყისი, ეს იყო შედარებით გვიანდელი პერიოდი, ეს იყო 2004-2012 წლები, მათ შორის, 2008 წელი.

ჩვენ ხშირად ვიხსენებთ ხოლმე იმას, რომ "ქართული ოცნების" ხელისუფლება არის ერთადერთი ხელისუფლება, რომლის დროსაც ქვეყანას ომი არ ჰქონია. ყველა წინა ომი, რა თქმა უნდა, აგრესორი იყო რუსეთი, მაგრამ ყველა შემთხვევაში, როდესაც პრობლემები ექმნებოდა ჩვენს ქვეყანას, ეს მათ შორის იყო ხოლმე იმ ქაჯობის შედეგი, რომელიც ჩვენი ქვეყნის წარმომადგენლების მხრიდან ხორციელდებოდა.

სწორედ ეს ჩავაბარეთ ჩვენ წარსულს, ყველაფერთან ერთად, ავტოკრატიასთან ერთად, ადამიანის უფლებების შელახვასთან ერთად, ადამიანების წამებასთან ერთად, და ეს ადამიანები, იგივე ადამიანები ცდილობენ, რომ დღეს ეს ქაჯობა, ოპოზიციის რიგებიდან, დააბრუნონ საქართველოში და ამით შეუქმნან საქართველოს პრობლემები.

ჩვენ, რა თქმა უნდა, ამას არ დავუშვებთ. ჩვენ არ გვჭირდება ქაჯური პოლიტიკა. ჩვენ გვჭირდება პრაგმატული, რაციონალური, სწორი პოლიტიკა ჩვენი ქვეყნისთვის და ეს არის ერთადერთი რეცეპტი იმისათვის, რომ საქართველომ შეინარჩუნოს მშვიდობა და ქვეყანას ჰქონდეს განვითარება. ეს არის ერთადერთი გზა ამ მიმართულებით.

ბოლო ამბები:

ირაკლი კობახიძე კობახიძე ბათუმში გამართულ აქციაზე: ეს არის ქაჯობა

კომენტარები

კვირის ტოპ-5

გირჩევთ

ახლა კითხულობენ

ახალციხეში შუახნის კაცი საკუთარ სახლში ყელის არეში ჭრილობებით გარდაცვლილი იპოვეს