USAID ხელს უწყობს ახალგაზრდების სამოქალაქო ჩართულობასა და მონაწილეობის წახალისებას საჯარო ცხოვრებაში.

ვასილ ქარსელაძეც ერთ-ერთი ახალგაზრდა იურისტი და პედაგოგია, რომელიც რაჭა-ლეჩხუმის, ქვემო სვანეთის რეგიონებში ბავშვთა უფლებების დაცვასთან დაკავშირებულმა იურიდიულმა საქმიანობამ დაარწმუნა, რომ ბავშვებისა და ახალგაზრდების გაძლიერებისათვის აუცილებელია საზოგადოების თითოეული წევრის ჩართულობის გაზრდა.

"ვცდილობ გამოვიყენო შესაძლებლობის ყველა ფანჯარა, რათა მაქსიმალურად წავახალისო ჩვენს ქვეყანაში ბავშვთა და ახალგაზრდების ჯანსაღი და ჰარმონიული განვითარება", — ამბობს ვასილი.

USAID-ის ფინანსური მხარდაჭერით, საქართველოს პოლიტიკის ინსტიტუტის პროექტის — ცვლილებებზე ორიენტირებული ახალგაზრდების ხელშეწყობა საქართველოში — ფარგლებში განხორციელებულ საგანმანათლებლო პროგრამებში ჩართულობამ, როგორც ვასილი ამბობს, ხელი შეუწყო ახალგაზრდული საქმიანობის შესახებ მის ინფორმირებას და შესაძლებლობა მისცა მონაწილეობა მიეღო საქართველოს მაღალმთიან რეგიონებში მცხოვრები ახალგაზრდების პიროვნული და ინტერპერსონალური უნარების გაძლიერებაში, საზოგადოებისთვის მნიშვნელოვან პროცესებში მათი ჩართულობის გაზრდაში.

ფოტო: USAID

განხორციელებული პროექტის ფარგლებში, შესაძლებელი გახდა, როგორც კერძო სექტორის, ისე ადგილობრივი თვითმმართველობის ორგანოების ჩართულობა ახალგაზრდების დასახმარებლად. ახალგაზრდებმამათ მიიღეს ადგილობრივი თვითმმართველობის ორგანოებში პრაქტიკული საქმიანობის გამოცდილება, რაც მათ პროფესიულ რეალიზებასაც დაეხმარა.

"ნამდვილი მეგობრობა ჩემთვის გულწრფელი და უპირობო თანადგომაა, რომელიც ფიქრით, სიტყვითა და საქმითაა გამოხატული. USAID-თან თანამშრომლობის პერიოდში მათი მხარდაჭერის ხასიათს თუ შევაფასებთ, დარწმუნებით შემიძლია ვთქვა, რომ მეგობრის ჩემეული დეფინიცია რეალურია და შესაძლებელია ორგანიზაციაც იყოს შენი მეგობარი", — ამბობს ვასილი.