USAID მხარს უჭერს საქართველოს სამოქალაქო სექტორის გაძლიერებას, მდგრადობას და მოქალაქეზე ორიენტირებულ დემოკრატიულ განვითარებას საქართველოს რეგიონებში.

ვაჟა დათუაშვილმა, სწორედ USAID-ის სამოქალაქო საზოგადოების ჩართულობის პროგრამის ფარგლებში, 10 ათასი ლარის ოდენობის გრანტი მოიპოვა საკუთარი იდეის განსახორციელებლად.

ცოდნის ოდა ბაღდათის რაიონის სოფელ მეორე ობჩაში ახალგაზრდებისთვის განკუთვნილი არაფორმალური — საკონფერენციო, საბიბლიოთეკო და კომპიუტერული სივრცეა და ადამიანის უფლებებზე, სამოქალაქო აქტივიზმსა და გარემოს დაცვაზე იქნება კონცენტრირებული.

"ამ მხარდაჭერამ სულ სხვაგვარად დამაფიქრა რეგიონის განვითარების შესაძლებლობებზე. ახლა უკვე მკაფიოდ ვფიქრობ, რომ მსგავსი ინიციატივის განხორციელებით, ახალგაზრდებს მეტი ემოციური ბმა უჩნდებათ ქვეყნის მიმართ, რაც, შესაბამისად, მათ სამოქალაქო აქტივიზმს უფრო ძლიერს და ინტენსიურს ხდის", — ამბობს ვაჟა.

ფოტო: USAID

"რეგიონში სასარგებლო ინიციატივების განხორციელებისთვის მეტი ახალგაზრდის მხარდაჭერა უპირობოა წარმატებული სამოქალაქო აქტივიზმის მაგალითების შესაქმნელად. ის განცდაც უფრო გაძლიერდება, რომ ყველას შეუძლია უკეთესობისკენ შეცვლაში მონაწილეობა მიიღოს. მეგობრობა ჩემთვის ერთმანეთისთვის მოტივაციის მიცემასა და წრფელი გრძნობით წარმატების გაზიარებას ნიშნავს, რასაც ფაქტია, რომ USAID მუდმივად ახალისებს".