საკრებულოს დამოუკიდებელმა წევრმა, ალეკო ელისაშვილმა ინგა გრიგოლიას გადაცემა რეაქციაში თქვა, რომ ის სერიოზულად ფიქრობს თბილისის მერობის არჩევნებში მონაწილეობაზე და თუკი კანდიდატი გახდება, მისივე განცხადებით, ანგარიშვალდებული იქნება მხოლოდ ხალხთან და არა ბიძინა ივანიშვილთან ან მიხეილ სააკაშვილთან:

"მე თუ გადაწყვეტილებას მივიღებ მონაწილეობაზე, და ხალხის მიერ გაკეთებული არჩევანის წინააღმდეგ ვინმე წავა, კბილებს დავამტვრევ ყველას, ვინც არჩევნებს გამიყალბებს. ოცნების შტაბში მიდის სამზადისი რომ მაინც კალაძე იქნება. მე იმ ხალხთან, ვისაც დავპირდები რომ ვიბრძოლებ ბოლომდე, სიტყვას არ გადავალ. სულ რომ სიცოცხლის ფასად დამიჯდეს, მე არცერთ ხმას არ დავთმობ. თუ მე მივიღებ მონაწილეობას, ეს ჩემგან იქნება თავის გადადება, იმიტომ რომ მე არ მაქვს ფული, არ მაქვს უკან დასახევი და არც ბიძინა ივანიშვილი მყავს, ხალხის გარდა".

დღეს, საქართველოს პრეზიდენტმა, გიორგი მარგველაშვილმა განაცხადა, რომ ადგილობრივი თვითმმართველობის არჩევნები, ოქტომბრის მესამე კვირის ბოლოს, 22 ოქტომბერს ჩატარდება.