ცნობილმა მომღერალმა ტეილორ სვიფტმა რამდენიმე წლიანი პაუზის შემდეგ მუსიკალური ტურნე წამოიწყო. ივნისის პირველ კონცერტზე მუსიკოსმა ფანებს მიმართა, პრაიდის თვის დადგომა მიულოცა და ლგბტქ თემისთვის აქტუალურ პრობლემებზე ისაუბრა.

"პრაიდის თვეს გილოცავთ! მინდა იცოდეთ, რომ ეს თქვენთვის უსაფრთხო სივრცეა, აქ თქვენს არსებობას აღვნიშნავთ. ვისურვებდი, ქვიარ ადამიანებს ნებისმიერ ადგილას შეეძლოთ თავი დაცულად იგრძნონ", — აღნიშნავს არტისტი.

ასევე, ტეილორმა თავისი სიმღერა You Need To Calm Down ახსენა, რომელიც ლგბტქ თემის პრობლემებს ეხმაურება და ჰომოფობებს მიემართება. მუსიკოსის თქმით, ფანებთან ერთად ამ სიმღერის შესრულება სიმშვიდისა და უსაფრთხოების განცდას უქმნის და ერთმანეთის მიმართ უდიდეს მხარდაჭერას და მიმღებლობას აგრძნობინებს, რითაც ძალიან ამაყობს. მომღერალმა მიმართვისას ქვიარ თემისთვის მძიმე პოლიტიკურ სიტუაციასაც გაუსვა ხაზი.

"რა თქმა უნდა, პრაიდზე ლაპარაკი ტკივილის გარეშე არ გამოდის. უამრავი კანონპროექტი თუ ინიციატივა არსებობს, რომელიც ქვიარ ადამიანებს აზიანებს და რისკის ქვეშ აყენებს. პრაიდის თვის აღნიშვნა აზრს კარგავს, თუ მეტ ინფორმაციას არ მოვიძიებთ პოლიტიკოსებზე, რომლებიც ამ საკითხებს წყვეტენ. უნდა ვიცოდეთ, არიან თუ არა ისინი თემის მხარდამჭერები? დაიცავენ თუ არა თანასწორობას? ნამდვილად იმსახურებენ ჩვენს ხმას არჩევნებზე?" — ამატებს მომღერალი.

სვიფტმა ლგბტქ საკითხებთან დაკავშირებით პოზიცია 2018 წელს გააჟღერა, როდესაც პირველი პოლიტიკური განცხადება გააკეთა. მომღერალმა ამ თემაზე მის დოკუმენტურ ფილმ მის ამერიკანაშიც ისაუბრა.

პრაიდის თვე ლგბტქ ადამიანების მეტ ხილვადობას, მათ პრობლემებზე საუბარსა და მათი იდენტობის აღნიშვნას ეთმობა და მას მსოფლიო ივნისში აღნიშნავს. პრაიდის თვესთან დაკავშირებით სხვადასხვა ქვეყანაში განსხვავებული ღონისძიებები იგეგმება. საქართველოში 2023 წლის პრაიდ კვირეული 1-8 ივლისს ჩატარდება.

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...

ამავე თემაზე: