პატი ჯენკინსის ფილმი Wonder Woman წარმატებისკენ სვლას განაგრძობს და საკუთარ რეკორდს აუმჯობესებს. ჯენკინსის სურათი ნელ-ნელა უახლოვდება მიზანს და შესაძლოა, მალე ქალის მიერ გადაღებულ ფილმებს შორის პირველი ადგილი დაიკავოს.

Wonder Woman-მა, ამ ეტაპზე, გაქირავებაში $660 მილიონზე მეტი დააგროვა, მაშინ როდესაც მამა მიას რეკორდი $609 მილიონი იყო.

იმ შემთხვევაში, თუ ჯენკინსის ფილმი $1 მილიარდზე მეტს მოაგროვებს, მაშინ ის ამ სიის საპატიო ლიდერი გახდება. თუმცა იქამდე დისნეის Frozen-ს უნდა აჯობოს.

ფილმის ასეთი წარმატება გახდა იმის მიზეზიც, რომ ფემინისტებმა კინოკომპანია სექსიზმში დაადანაშაულეს, რადგან მთავარი როლის შემსრულებელ გალ გადოტს მხოლოდ $300 ათასი გადაუხადეს.

თუმცა მაყურებელთა ნაწილი ამ ფაქტს სექსიზმად ვერ აღიქვამს და ამბობს, რომ მაგალითად, კრის ევანსმა კაპიტანი ამერიკას პირველ ფილმში გადოტის მსგავსად $300 ათასი აიღო, თორში შესრულებული როლისთვის კრის ჰემსვორტმა - კიდევ უფრო ნაკლები - $150 ათასი.

აღსანიშნავია ისიც, რომ Wonder Woman ქალი რეჟისორის მიერ გადაღებული პირველი ფილმია, რომელშიც წამყვანი პერსონაჟი ქალია.