როგორც ჩანს, ამერიკა ჭეშმარიტად ოცნების ქვეყანაა. აბა სხვანაირად როგორ უნდა ავხსნათ ის ფაქტი, რომ ჯულია რობერტსის დაკარგული ძაღლი დიეგო შემთხვევით მისმა ერთ-ერთმა ყველაზე დიდმა ფანმა იპოვა?!

ყველაფერი იმით დაიწყო, რომ ჯულიას მალიბუს სანაპიროზე სეირნობის დროს ძაღლი გაექცა, რომელიც მან 2007 წელს უპატრონო ძაღლთა თავშესაფარში აიყვანა.

დაკარგვიდან რამდენიმე დღის შემდეგ ჯულიას ქმარმა, დენიელ მოდერნამ, ერთ-ერთ სოციალურ ქსელში, სადაც დაკარგული ცხოველების შესახებ ინფორმაციას ათავსებენ, მათი ოჯახის ოთხფეხა მეგობარი იპოვა და პოსტის ავტორს მისწერა.

როგორც გაირკვა, მპოვნელი ჯულიას დიდი ხნის თაყვანისმცემელი ყოფილა და მეტიც, მალიბუში სახლი მხოლოდ იმიტომ იყიდა, რომ საყვარელ მსახიობთან ახლოს ყოფილიყო.

ჯულია რობერტსის სიყვარული ცხოველებისადმი საქვეყნოდ ცნობილია, მას ორი ძაღლის დიეგოსა და ლუისის გარდა, ოთხი ცხენიც ჰყავს.