კოლუმბიის ჩრდილო-დასავლეთით, მგზავრებით სავსე გემის ჩაძირვას ექვსი ადამიანი ემსხვერპლა. დაკარგულია 16 მგზავრი. მაშველებმა 133 ადამიანის გადარჩენა შეძლეს. 20 ადამიანი საავადმყოფოშია გადაყვანილი. ინფორმაციას BBC ავრცელებს.

გემი კოლუმბიის ქალაქ გუატაპეს მახლობლად ჩაიძირა, ადგილი ტურისტებში პოპულარულია.

ოფიციალური ინფორმაციით, ბორტზე 170 ადამიანი იმყოფებოდა. თვითმხილველის თქმით, გემი 5 წუთში ჩაიძირა.

მაშველები ადგილზე დროულად გამოცხადდნენ. გადარჩენილთაგან რამდენიმეს თქმით, მათთვის სამაშველო ჟილეტები არ მიუციათ.

სამაშველო-სამძებრო სამუშაოებს შვეულმფრენებიც შეუერთდნენ.