საქართველოს პარლამენტმა საკონსტიტუციო ცვლილებებს მეორე მოსმენითაც უყარა კენჭი. კენჭისყრას სულ 115 დეპუტატი ესწრებოდა, მათ სრულად დაუჭირეს მხარი საკონსტიტუციო ცვლილებებს. პროცესს ბოიკოტი გამოუცხადა ოპოზიციამ.

პარლამენტარებმა დღესვე მეორე მოსმენით მიიღეს ცვლილებები აჭარის ავტონომიური რესპუბლიკის კონსტიტუციაში 114 ხმით.

საკონსტიტუციო ცვლილებების მესამე მოსმენა გაიმართება სამ თვეში, ცვლილებების საბოლოოდ მიღებისა და ხელმოწერის შემდეგ კი საქართველოში ახალი კონსტიტუცია ამოქმედდება. კონსტიტუციაში არაერთი მნიშვნელოვანი ცვლილება შედის, რომელიც ეხება როგორც ქვეყნის მმართველობის ფორმას, ისე ხელისუფლების შტოებს შორის ძალთა ბალანსს.