მომავალში ადამიანებს ლონდონიდან სიდნეიმდე ჩასასვლელად 2 საათი დასჭირდებათ — ეს კოსმოსის გავლით მოხდება.

კოსმოსური ტურიზმის განვითარებასთან ერთად, უფრო და უფრო მეტი ტექნოლოგიური გადაწყვეტილებები ჩნდება, რომლებიც მნიშვნელოვნად შეამცირებენ მგზავრობისთვის საჭირო საათებს. ამას შეუძლია რევოლუცია მოახდინოს საავიაციო ინდუსტრიაში.

ამ მიმართულებას დიდი ბრიტანეთის სამოქალაქო ავიაციის ორგანიზაცია (CAA) სწავლობს. მათ შესაბამისი კვლევაც ჩაატარეს და შედეგები გამოქვეყნებულია ჟურნალ Aerospace Medicine and Human Performance-ში.

კვლევაში ხაზგასმულია, რომ "კომერციული კოსმოსური ფრენები ახლა ხელმისაწვდომია ტურიზმისთვის და სამეცნიერო კვლევებისთვის. საბოლოო ჯამში, მოსალოდნელია, რომ ეს მივა იმ წერტილამდე, რომელიც მოგზაურობას წარმოუდგენლად სწრაფს გახდის".

ამჟამინდელი საავიაციო სისტემით, ჩვეულებრივ, დაახლოებით 22 საათია საჭირო ლონდონიდან სიდნეიში ჩასასვლელად.

როგორ ჩატარდა კვლევა?

CAA სამედიცინო კვლევებს კოსმოსური ფრენების ეფექტის უკეთ გასაგებად აფინანსებს. G- ძალების (სიმძიმის ძალა) გავლენა ადამიანის სხეულზე სუბორბიტალური კოსმოსური ფრენების დროს იყო CAA-ის მიერ დაფინანსებული კვლევის ფოკუსი. სამეფო საჰაერო ძალებმა (RAF) მხარი დაუჭირეს კვლევას, რომელიც ჩატარდა ლონდონის კინგს კოლეჯთან თანამშრომლობით.

კვლევის ფარგლებში 24 ჯანმრთელი ადამიანი (32-დან 80-მდე) მოათავსეს RAF ცენტრიფუგაში, სასწავლო დაწესებულებაში, კრენველში. მკვლევრებმა ხელოვნურად შეიმუშავეს ისეთი G- ძალები, რომლებიც იგრძნობა სუბორბიტალური ფრენებისას.

კვლევამ აჩვენა, რომ პოპულარული რწმენის საწინააღმდეგოდ, ასეთი ფრენები ადამიანისთვის პრობლემური არ არის. გაირკვა, რომ ხანდაზმულ ადამიანებსაც შეუძლიათ მარტივად გაუმკლავდნენ კოსმოსური ფრენის მსგავს ტიპს.

მოხსენების თანახმად, კვლევის მონაწილეებს შორის დაფიქსირდა ისეთი ეფექტები, როგორიცაა აჩქარებული გულისცემა, არტერიული წნევის მატება, სისხლში ჟანგბადის ვარდნა და პერიფერიული მხედველობის ზოგიერთი ნიშანი. თუმცა, ეს G-ძალის პიკის დროს.

კოსმოსური ტურიზმის დასაწყისი?

ამჟამად, კომერციული სუბორბიტალური ფრენები ძალიან ძვირი ჯდება. მაგალითად, რიჩარდ ბრენსონის Virgin Galactic თითო ადგილს 350 000 ფუნტ სტერლინგად ყიდის. გარდა ამისა, ფრენის ამჟამინდელ ინფრასტრუქტურას შეზღუდული შესაძლებლობები აქვს.

თუმცა, ახალი კვლევა პროგნოზირებს, რომ მიმდინარე სცენარი შეიცვლება ნაკლებად ძვირი ვარიანტებით. შესაბამისად, მსგავსი ფრენები ხელმისაწვდომი იქნება მსოფლიოს მოსახლეობის უმეტესობისთვის.

"კოსმოსური ტურიზმი უფრო მოთხოვნადი და ხელმისაწვდომი გახდება მომდევნო ათწლეულების განმავლობაში. ის მიაღწევს იმ დონეს, როგორიც ამჟამინდელი კომერციული საჰაერო ფრენებია. კომპანიები უკვე აქტიურად იკვლევენ რაკეტების გამოყენებას კონტინენტებს შორის კომერციული მოგზაურობისთვის. მომავალში, ფასები უნდა შემცირდეს და მეტი ჩართულობა იქნება NASA-სგანაც. ეს მეტ ადამიანს მისცემს შესაძლებლობას დაინახოს დედამიწა ქვედა ორბიტიდან", — თქვა პოლ კოსტეკმა, Air Direct Solutions LLC-ის ინჟინერმა.

ვნახოთ რა იქნება შემდეგი და რამდენად შევძლებთ რაკეტების სამოგზაუროდ გამოყენებას.