ინფორმაციას ბრიტანეთის დაზვერვა ავრცელებს.

რატომ არის მნიშვნელოვანი: ეს ახალწვეულები უკრაინაში ფრონტის ხაზებზე გაიგზავნება, სადაც ოკუპანტების მსხვერპლის მაჩვენებელი უკიდურესად მაღალია.

  • დაზვერვის შეფასებით, მიგრანტი მუშაკების დაქირავება რუსეთის თავდაცვის სამინისტროს მცდელობების ნაწილია, მოაგროვოს 400 000 მოხალისე უკრაინაში საბრძოლველად.
  • ასევე, რუსეთის ხელისუფლება ცდილობს შეძლებისდაგვარად გადადოს სავალდებულო მობილიზაციის ნებისმიერი ახალი ტალღა, რათა მინიმუმამდე დაიყვანოს რუსეთის მოქალაქეების მზარდი უკმაყოფილება.

დეტალები: როგორც დაზვერვის ანგარიშშია ნათქვამი, რუსები რეკრუტირების ჩასატარებლად მეჩეთებსა და საიმიგრაციო ოფისებს სტუმრობენ.

  • საიმიგრაციო ოფისების თანამშრომლები, რომლებიც ტაჯიკურად და უზბეკურად საუბრობენ, რეგულარულად ცდილობენ მიგრანტების დაქირავებას.
  • რადიო თავისუფალი ევროპა იუწყება, რომ დამსაქმებლები მიგრანტებს რეგისტრაციის ბონუსს 2 390 აშშ დოლარის და ხელფასს — 4 160 აშშ დოლარამდე თვეში სთავაზობენ.
  • მიგრანტებს ასევე სთავაზობენ რუსეთის მოქალაქეობის მიღების დაჩქარებულ პროცედურას, ჩვეულებრივი ხუთი წლის ნაცვლად ექვსი თვიდან ერთ წლამდე ვადაში.