მსახიობი ანჯელინა ჯოლი, გუშინ, კენიას დევნილთა საერთაშორისო დღის აღსანიშნავად ეწვია.

მსახიობმა ოფიციალურ ღონისძიებაშიც მიიღო მონაწილეობა და სიტყვით გამოსვლის დროს მთავარი აქცენტები სექსუალური ძალადობის მსხვერპლებზე გააკეთა.

"ძალადობის დამარცხება მხოლოდ მაშინ იქნება შესაძლებელი, როდესაც ერთი ადამიანი მეორეს დასაცავად ნაბიჯებს გადადგამს. ეს კი, უმეტესწილად, მათი პასუხისმგებლობაა, ვისაც სამხედრო ფორმა აცვია. სიტუაცია შიგნიდან უნდა გამოსწორდეს, რათა შემდეგ ეს სხვებისთვის მაგალითი აღმოჩნდეს. ჩემი მონაცემებით, კენიაში ნახევარ მილიონზე მეტი ლტოლვილია, აქედან 100 ათასზე მეტი, სექსუალური ძალადობის მსხვერპლია, მათ შორის უმეტესობა ჯარისკაცების მხრიდან", თქვა ანჯელინა ჯოლიმ.

როგორც ჯოლი ამბობს, ამ პრობლემაზე დიდი ხანია მუშაობს და აღნიშნა ისიც, რომ სიტყვით გამოსვლამდე შეხვდა ლტოლვილ გოგოებს სომალიდან, კონგოდან და რუანდადან, მოისმინა მათი პრობლემები. მსახიობმა აღნიშნა, რომ ის მათ დასახმარებლად ყველაფერს აკეთებს.