ბევრისთვის არამატერიალური კულტურული ძეგლის სტატუსი აქვს გრძნობას, მოქმედებას, აბსტრაქტულ სითბოს თუ კომფორტს. წარმოიდგინეთ, რომ ყველა სტანდარტული პროცედურა გაიარეთ, საკუთარი ნომრის წინ დგახართ, ბარათი მიადეთ, კარი შეაღეთ და ჩანთა ამოულაგებლად იქვე დადეთ. ახლა თქვენ წინ ბამბის უდიდესი ქულა, ყველაზე რბილი, კომფორტული, მართლა ღრუბლებს შესადარი საწოლია, რომელზეც ოდნავ ხმაურითა და პატარა ნახტომით უნდა აღმოჩნდეთ. აი ეს წამოწოლა, კომფორტი და იმის ცოდნა, რომ დღეს საღამოსაც ამ სიმშვიდეში უნდა დაიძინოთ, არის დაუფასებელი ან შეუფასებელი გრძნობა, რომელიც სეროტონინის მოზღვავებას იწვევს და რაც შეიძლება ხშირად უნდა განიცადო ადამიანმა. ალბათ თქვენშიც გაიღვიძა დასვენების სურვილმა, ამიტომ რამდენიმე იდეას გაგიზიარებთ:

1. დარჩით სასტუმროში

თუნდაც ერთდღიანი განტვირთვის ჩაუნაცვლებელი ნაწილი სასტუმროში დარჩენაა. არ აქვს მნიშვნელობა მარტო, მეწყვილესთან თუ ოჯახის წევრებთან ერთად გსურთ ყოფნა. ფაქტობრივად წარმოუდგენელია, მთელი დღე არარუტინულად გაატაროთ და დღის ბოლოს, ყველაზე ტკბილ, დამაგვირგვინებელ ფაზაში ისევ სახლში დაბრუნდეთ. ზემოთ აღწერილი არამატერიალური კულტურული ძეგლიც ხომ მოწმობს, რომ ნომერში განსაკუთრებული აურა ტრიალებს და განწყობას ისე გიმაღლებს, რომ სულაც არ არის საჭირო, სასტუმრო თბილისს გარეთ იდგეს, მეტიც, თქვენი სახლი შეიძლება სულაც მეზობლად გეგულებოდეთ, მაგრამ მაინც სრულად იყოთ მოწყვეტილი ყოველდღიურობას.

2. გამოცადეთ სპა-თერაპია

დაძაბულობის, სტრესისა და გადაღლისგან გათავისუფლების საუკეთესო შესაძლებლობა სპა-თერაპიაა. მასაჟის, მარილის ორთქლის ოთახის, რომაული და ფინური საუნებისა თუ სხვა სიკეთეების მიღება როგორც მარტოს, ისე მეწყვილესთან ერთად შეგიძლიათ. ამბობენ, რომ აღნიშნული პროცედურები კულტურის დონეზე იყო აყვანილი ანტიკურ ქვეყნებში, კლეოპატრა ვირის რძეში ბანაობის ხარჯზე ინარჩუნებდა სილამაზეს და რომაელები მნიშვნელოვანი საკითხების გასარჩევად აბანოში იკრიბებოდნენ. მოკლედ, მოდუნდით, ჩაისუნთქეთ სიმშვიდე და ამოისუნთქეთ ბედნიერება.

3. არ დაგავიწყდეთ გასეირნება

სეირნობა ერთ-ერთი ყველაზე დაუფასებელი ფიზიკური აქტივობაა. გიფიქრიათ, ბოლოს როდის იყავით თბილისში ტურისტი? ძველ უბნებში უკვე ნანახი, მაგრამ მაინც აღმოსაჩენი რამდენი რამეა? მგონი არც ამ სიკეთეზე ღირს უარის თქმა.

4. წადით ლაშქრობაში

რამდენიმე სიტყვით ლაშქრობის კულტურასაც შევეხოთ, რომლის გარშემოც მთელი დასავლეთია გაერთიანებული. ევროპასა და ამერიკაში დიდი ხანია, რაც ქალაქების გარშემო მცირე მთებსა და ბორცვებს მოტივირებული, აქტიური, ჯანსაღი ცხოვრების წესის მიმდევარი ადამიანები იპყრობენ. ფიზიკური აქტივობა დადებითად არა მხოლოდ სხეულზე, არამედ განწყობაზეც მოქმედებს. სამწუხაროდ თბილისში ამ ინტერესის გარშემო ბევრი ადამიანი არ ერთიანდება, ამიტომ იქნებ, თქვენ და თქვენი მეგობრები იყოთ სპორტული აქტივობის გამავრცელებლები?

5. დაასრულეთ საღამო გემრიელი ვახშმით

ჯულია ჩაილდის თქმით, ადამიანები, რომელთაც ჭამა უყვართ, მართლა საუკეთესოები ხალხია. ამიტომ, იდეალური დღის ბოლოს გემრიელი ვახშამი არ დაგავიწყდეთ და ჭიქა ღვინის უფლებაც მიეცით საკუთარ თავს.

საუკეთესო რამ, რაც საკუთარ თავს ან სხვა საყვარელ ადამიანებს შეიძლება აჩუქოთ — დროა. ამიტომ დაგეგმეთ ხარისხიანი დასვენების თუნდაც ერთი დღით და ისიამოვნეთ ახალი შეგრძნებებით.

რუბრიკის სპონსორია Gulf Aquamarine Hotel, 4-ვარსკვლავიანი სასტუმრო კომპლექსი, რომელიც თბილისის ზღვაზე, აკვაპარკ ჯინო ფერედაისის საკურორტო ზონაში მდებარეობს და მოიცავს აუზს, რესტორანს, ბარებს, საკონფერენციო სივრცეებს და წვეულების დარბაზს.